9. UMFAR: KÍ slapp ikki at dusa sær leingi á fyrstaplássinum, tí sunnudagin máttu tær lúta 1-0 í Streymnesi fyri meistarunum. Hendan kjansin lat HB ikki fara framvið borðinum og settu seg einsamallar á ovastu rók eftir tryggan 4-0 sigur á ÍF/Vìkingi í Gøtu.

8. UMFAR: Tvey tap fyri KÍ og HB eftir bert fýra døgum gjørdust dýr fyri EBS/Skála, sum fyribils spældi sær av við fyrstaplássið. Úrslitini í 8. umfari lagaðu seg so mikið væl fyri KÍ, at tær fyri fyrstu ferð í ár settu seg á oddasessin.

SAMANUM EFTIR 7 UMFØR: Teir næstbestu hjá EB/Streymi í 2. deild hava nú yvirtikið 1. plássið hjá Undrinum eftir ein góðan 2-0 sigur í Havn móti nærmasta kappingarneytanum. Men lítla Havnarfelagið heldur tó væl fast um 2. plássið.

7. UMFAR: Tað var aftur toppur móti botni hetta umfarið, og aftur vóru úrslitini tey somu, spurningurin er bara, hvussu stórir sigrarnir skulu vera. Í steypakappingini hava EBS/Skála og HB vunnið sær lítlan fyrimun í hálvfinaluni.