Jóannes Jakobsen tosar um nøkur leikaraskifti, komandi dystirnar hjá Betri monnum og um føroysku luttøkuna í Evropa.

Ein av broytingunum, ið hend er á FaroeSoccer seinastu tíðina, er, at vangamyndirnar eru vorðnar størri. Allar tær verandi ella eldru myndirnar verða tó ikki størri uttan nakað – í hvussu so er ikki fyribils.

Herfyri varð enn ein varði á vegnum reistur í søguni hjá FaroeSoccer, tá vit skrásettu leikara nummar 10.000 í dátugrunni okkara.

Seinastu tíðina hevur FaroeSoccer verið á vitjan hjá nøkrum feløgum fyri at kanna og skráseta ognarsteyp og ferðasteyp. Hetta eru steyp, sum eru vunnin í almennum kappingum undir FSF.

Tað hevur víst seg at vera torført at finna útav, hvat aktuella støðan er við ymsu ferðasteypunum í lands- og steypakappingini. Einki alment yvirlit finst longur, og tað kann skapa trupulleikar, tá steypini skulu handast í ymsu kappingunum á seinasta leikdegi.

Seinasta góða árið ella so hava vit verið í gongd við at dagføra FaroeSoccer á fleiri frontum, nakað er gjørt, men nógv er eftir enn. Og allar broytingar eru heldur ikki slíkar, ið brúkararnir síggja beinleiðis, men tær kunnu krevja nógv arbeiði og nógva tíð fyri tað.