Español English Føroyskt

Hjálp til sjálvhjálp

  
Veist tú okkurt, sum manglar um onkran dyst á FaroeSoccer?


Rættuliga nógvir dómaraseðlar frá eldru tíðini (áðrenn 1990) eru ikki til. Tað merkir, at FaroeSoccer aloftast ikki veit stórt meira enn úrslitið av hesum dystunum.

Her er bara talan um dystir í landskappingini og í steypakappingini.

Vit kundu eitt nú hugsað okkum at vita meira um:

- Hvør spældi við - á báðum liðum? (minnist tú bara teg sjálvan, so er tað eisini fínt)
- Hvør skoraði málini? Nakað brotsspark t.d.?
- Málraðfylgjuna?
- Kort í dystinum?
- Útskiftingar í dystinum?
- Hvør var liðskipari?
- Hvør var málverji?
- Hvør var venjari hetta árið?
- Hvat var hálvleiksstøðan?
- Hvør var dómari?
- Hvat sum helst annað (t.d. serligar hendingar í dystinum og kring dystin)

Allar hesar dystir við manglandi dómaraseðli hevur FaroeSoccer longu kannað í øðrum keldum, eitt nú gomlu bløðini, partvíst útvarpið, ítróttarbøkur av ymsum slagi og gerðabøkurnar hjá feløgunum.

Men oftast er lítið at finna, tí lítið varð gjørt burturúr ítrótti fyrr í tíðini.

Heldur tú teg minnast okkurt, sum FaroeSoccer ikki hevur skrásett um onkran ávísan dyst, so tak hendan tóma dómaraseðilin niðanfyri niður og prenta hann út og skriva tað á hann, sum tú minnist, ALT hevur áhuga. Ivast tú í onkrum, so spyr endiliga - heldur ov nógv enn ov lítið :-)  

Niðanfyri er eisini eitt dømi um, hvussu FaroeSoccer hevur útfylt ein manglandi dómaraseðil, vónandi kann tað vera ein hjálp.


*  BLANKUR DÓMARASEÐIL
 (pdf) tak niður
*  GAMAL MANGLANDI DÓMARASEÐIL - DØMI (pdf) tak niður
 


 

   

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Effodeildin, 1. deild menn, 2. deild menn, U18 dreingir, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Samstarvsfelagar
2010-2017