Español English Føroyskt

Myndir

Myndir og myndabrúk

Myndirnar á FaroeSoccer eru sum útgangspunkt brúktar við loyvi, og í nógvm førum hevur FaroeSoccer sjálvt tikið myndirnar.. 

Í fyrstu atløgu verður roynt at útvega vangamyndir, tvs. andlitsmyndir av leikarum, venjarum og dómarum – monnum og kvinnum. Í prinsippinum hava allir aktørar sama áhuga – ert tú nevndur á FaroeSoccer (frá 1942 til í dag), so vilja vit ógvuliga fegin vísa eina andlitsmynd av tær.

Andlitsmyndir kunnu sendast okkum sum jpg ella png og ikki minni enn 500 pixel breið við upplýsing um (umleið) árstal fyri myndatøkuni. Tað er ikki avgerandi, um persónurin er í ítróttarklæðum, bara myndin er rímuliga góð/klár.

Vit respektera eisini, um onkur ikki vil hava sína mynd á síðuni antin sum prinsipp, ella tí viðkomandi ikki er nøgdur við myndina, vit hava lagt út av okkara eintingum – men í hesum seinna førinum vænta vit so sjálvandi, at viðkomandi sendir okkum eina betri :-)

Fyri persónar, sum ikki eru íðkandi longur, ella har besta fótbóltslívið er farið afturum, kundu vit hugsað okkum eina ”tíðarleysa” mynd, sum viðkomandi sá út, tá hann/hon var íðkandi.

FaroeSoccer roknar ikki við, at tingini henda av sær sjálvum, og tí eru vit alla tíðina úti um okkum at útvega vangamyndir. Nakrar taka vit sjálvir, og í øðrum førum verður heitt á fólk í og kring feløgini um hjálp. Onkrar einstakar myndir eru funnar á netinum, og vit hava “við fyrivarni” loyvt okkum at brúka nakrar teirra, hóast myndatakarin er ókendur.

Vónandi fara feløgini so við og við at síggja eitt størri virði í at avmynda sínar leikarar – til gleði fyri øll.

Við kappingarlok oktober 2010 vóru gott og væl 1.000 vangamyndir lagdar út. Nú kappingarárið 2017 er við at halla, eru nærum 3.000(!) vangamyndir á FaroeSoccer.

FaroeSoccer takkar øllum mirðiliga, sum hjálpa okkum við myndum, bæði einstaklingum og feløgum.

Vit spæla saman!

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017