Espa�ol English F�royskt

Upplegg

FaroeSoccer heldur seg til hesar altjóða leiðreglurnar í sambandi við eitt upplegg til mál.

Hetta er eitt upplegg:
1) Leikari A avleverar til leikara B, sum skorar
1ad) Bólturin kann raka ein mótleikara á vegnum, men var allíkavæl ætlaður B
2) Leikari A skjýtur á træverkið, og leikari B skorar í aðru atløgu
3) Leikari A tekur horna, innkast ella fríspark, sum leikari B beinir í málið
4) Leikari A skjýtur upp á mál, málverji ella leikari verja fyri, og síðani skorar leikari B
4ad) Leikari A tekur brotsspark, málverjin hálvbjargar, leikari B skorar í aðru atløgu

Hetta er IKKI eitt upplegg:
1) Brotsspark beinleiðis í mál
2) Fríspark beinleiðis í mál
3) Horna beinleiðis í mál
4) Sjálvmál
5) Leikari A avleverar til leikara B, sum má krússa ein ella fleiri leikarar av fyri at skora

Gevið gætur:
Ivamál fara uttan iva stundum at stinga seg upp, men tey verða at avgreiða saman eftir bestu sannføring.


Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019