Espa�ol English F�royskt

Málið


Vit vilja vera best
FaroeSoccer ynskir at bróta upp úr nýggjum við hesi heimasíðuni, at vera ein slóðbrótari. Vit ynskja ikki at gera nakað, sum onnur longu hava gjørt. Og FaroeSoccer er ikki nøkur døgnfluga – vit eru komnir fyri at verða!

Høvuðsmálið hjá FaroeSoccer er at vera ein miðdepil fyri kunning um føroyskan fótbólt, at veita støðug, skjót og álítandi hagtøl frá føroysku kappingini og altjóða kappingum, har føroysk lið luttaka.

Hetta verður gjørt via stóra dátugrunn okkara, sum er grundarlagið undir FaroeSoccer. Hetta er okkum vitandi einasti dátugrunnur av slíkum slag í Føroyum – og yvirhøvur!

Hetta leggur eyðvitað eina ávísa ábyrgd á okkum, men hana taka vit á okkum við gleði og vilja gera okkara allarítarsta at liva upp til álitið. Lat ongan iva vera um, at absolutt ongin er meira áhugaður í, at alt er so rætt sum tilber – og til tíðina – á FaroeSoccer enn vit.

Vit eru ikki bara við fyri at luttaka og fyri at læra – vit vilja vera best! Men fyri at koma hartil er greitt, at vit mugu spæla saman. Samstarv er lyklaorðið – eitt samstarv har allir partar fáa nakað burturúr sjálvsagt.

Vit halda at føroyingar og onnur fótbóltsáhugaði hava longst eftir eini heimasíðu sum okkara í langa tíð, tí ongastaðni hevur verið at farið eftir (álítandi) føroyskum fótbóltshagtølum í eini handavend – og so er tað eisini púra ókeypis hjá øllum at brúka FaroeSoccer!

FaroeSoccer vil fegin vera ein funnin fressur hjá øllum við áhuga fyri føroyskum fótbólti. Vit vita, at føroysku feløgini og Fótbóltssambandi fyri tans skuld ikki hava orku og umstøður at gera stórvegis burturúr skráseting, og tí er tað eyka gleðiligt, at vit kunnu vera ein beinleiðis viðspælari á hesum økinum.

Vit vænta eisini at fjølmiðlarnir og alemenningurin yvirhøvur fer at fáa stórt gagn burtur úr FaroeSoccer. Vit spæla saman, og tá vit skora, fáa ØLL mál! :-)


Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019