Espa�ol English F�royskt

Búmerki


Vector Football Logos

Samstarv um búmerkini

Øll búmerki á FaroeSoccer eru fingin og víst við loyvi frá www.vflnet.com (Vector Football Logos) og partvíst www.soccerway.com.

Tað er belgiarin, Johnny Beaufays, sum eigur og rekur VFLnet – allarhelst hin mest framkomna síðan í dag á netinum við og um fótbóltsbúmerki. Tað er sami maður, sum teknar tey føroysku búmerkini – umframt hópin av øðrum búmerkjum – á VFLnet til vector, tann absolutt besti kvaliteturin. Johnny arbeiðir eisini fyri hollendsku heimasíðuna Soccerway, sum er ein av heimsins størstu veitarum at live-úrslitum, m.a. eisini av føroysku fótbólti.

Feløgini eiga ognarrættin til búmerkini. Merkini á VFLnet mugu tískil ikki nýtast til vinnulig (kommersiel) endamál uttan loyvi frá feløgunum. Búmerkini kunnu frítt nýtast til ikki-vinnulig endamál, men keldan VFLnet eigur í slíkum førum at verða upplýst.

FaroeSoccer samstarvar við VFLnet um føroyska partin á VFLnet, og Johnny hevur eisini teknað tær flestu ikonirnar, sum verða brúktar á FaroeSoccer.

Annars er VFLnet altíð eina vitjan verd – ein sera áhugaverd síða hjá øllum fótbóltsfjepparum.

Føroysku búmerkini
Tað hevur verið ein tungur burður at koma á mál við føroysku búmerkjunum, serliga tí bæði VFLnet og FaroeSoccer hava gingið høgt uppí, at hetta eru veruligu originalu ella almennu búmerkini. Í skrivandi løtu (mars 2010) eru vit ikki komnir heilt á mál, og tískil mangla onkur føroysk búmerki enn á FaroeSoccer, men arbeitt verður støðugt við hesum.

Høvuðstrupulleikin við fleiri av føroysku búmerkjunum er, at ongin veit – ella enn verri: hevur nakran áhuga fyri – nær merkini upprunaliga eru frá, hvør hevur gjørt tey, og hvussu tey heilt nágreiniliga eiga at síggja út. Í okkara verð eigur eitt búmerki bara at síggja út uppá EIN ávísan máta við nøkrum heilt ávísum mátum, bókstavum, tølum og litum v.m.

Fleiri av búmerkjunum hava variantar – oftast smáir, men allíkavæl nóg stórir til, at ivamál er um, hvat er tað rætta, ikki minst suðuroyarfeløgini TB, VB og Royn eru ein trupulleiki í so máta. Og so er brennandi spurningurin eisini, um nakað ER tað rætta yvirhøvur, um feløgini ongantíð hava tikið eina avgerð um hetta og boðað frá henni onkustaðni.

Í slíkum førum verða FaroeSoccer og VFLnet kanska bara noydd at skera ígjøgnum og velja eina ávísa útgávu sum ta almennu – í hvussu so er til annað er prógvað (og TAÐ høvdu vit fegnast um!).

Flestu føroysku búmerkini eru jú hondteknaði í síni tíð, og tað munnu vera ógvuliga fáir originalar eftir av hesum tekningum. Og síðani hava ymsar fyritøkur og privatpersónar teknað hesi umaftur á teldu hvør í sínum lagi, so variantar er vorðnir til.

FaroeSoccer
Búmerkið hjá FaroeSoccer

Hugskotið til okkara búmerki eigur Marni Mortensen. Tað er reinteknað til vector av einum samstarvsfelaga á netinum.

Búmerkið er samansett av sjálvum navninum, einum "bólti" og com-heitinum. Vinarligu og praktisku litirnir eru teir, sum gjøgnumgangandi verða brúktir á heimasíðuni. Litirnir skulu minna um føroyska samleikan, samstundis sum com appelerar til útlheimin. Merkið skal harafturat fáa tankarnar at leita til fótbólt og hagtøl.

Fáa onnur nakað annað burturúr merkinum, so er tað bara fínar greiðir :-)

Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019