Espa�ol English F�royskt

Myndatøka

Góð ráð um vangamyndir

Her er ein lítil vegleiðing ella nøkur góð ráð til tykkum, ið hava hug at hjálpa FaroeSoccer og/ella felagi tykkara við andlitsmyndum av leikarum, venjarum, dómarum ella øðrum álitisfólkum.

Yvirorðnað skal myndatakarin ikki vera bangin fyri at “kommandera” við motivinum eitt sindur fyri at fáa besta úrslitið.

1)  Tak helst úti (betri ljós og ongin skuggi), men persónurin má ikki fáa sólina beint í eyguni.

2)  Far tætt upp á motivið (ca. 1 metur) og tak í “portrett” (ikki “landscape”) umleið frá nalvanum og upp. Ikki brúka zoom.

3)  Persónurin skal helst hava hendurnar afturum rygg (troyggjan og kroppurin taka seg betri út tá) og hyggja beint í kamera og helst hava afturlatnan munn.

4)  Tak minst tvær myndir av hvørjum (summi hava ein tendens at blunda ella ikki at vera “klár”).

5 )  Húgvur/hettur eru ikki loyvdar (og helst heldur ikki onnur ting, ið fjala partar av andlitinum, t.d. tjúkk turrikløð).

Fyrst og fremst snýr tað seg um PERSÓNIN ella ANDLITIÐ á persóninum - tað at man sær, hvussu persónurin sær út, meðan klæðini ikki eru so umráðandi. Hetta tí ein leikari ella venjari kann jú umboða fleiri ymisk feløg, og FaroeSoccer ætlar ikki at skifta myndirnar út á hvørjum ári, puha :-)


ANNARS er sjálvsagt, at ein persónur tekur seg betri út í ítróttarklæðum ella klæðum hjá felagnum, sum hann/hon umboðar - enn í skipstroyggju ella øðrum gerandisklæðum.

Les annars eisini síðuna MYNDIR. 

  

Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019