Espa�ol English F�royskt

Myndirnar floyma inn

mikudagur 19. juni 2019
Hóast FaroeSoccer fyrst og fremst snýr seg um at skráseta hagtøl, so hava andlitsmyndir av ymsu aktørunum eisini høga raðfesting, og seinastu dagarnar hevur gingið upp á stás í so máta.

Seinastu dagarnar hevur FaroeSoccer fingið nógvar myndir sendandi av ymsum hópum:

ÍF/Víkingur/B68 Betri kvinnur – Fotografur: Jakoba Svensdóttir
ÍF U21 menn – Fotografur: Fríði Reinert-Petersen
HB Betri menn – Fotografur: Ditte Joensen (www.veingir.fo)
HB Betri kvinnur – Fotografur: Ditte Joensen (www.veingir.fo)

NSÍ Betri menn (+ ein part av 1. deild menn) – Fotografur: Hjalmar Jóhan Juul (JUUL’s-Foto)
KÍ Betri menn – Fotografur: Eyðbjørn Jacobsen (Eybii Myndir

Hesar myndirnar eru allar lagdar á netið nú. Tey flestu av hesum  - leikarar og venjarar – átti FaroeSoccer longu mynd av, men nýggjar(i) myndir eru altíð kærkomnar og vælkomnar. 

FaroeSoccer manglar ofta myndir av teimum ungu leikarunum (U21). Nógvir av hesum gevast eisini ofta at sparka (seriøst) longu á ungum aldri – áðrenn vaksnamannafótbóltin, og tískil er eyka týdningarmikið at fáa eina mynd av hesum leikarum, áðrenn teir hvørva. TÍ fegnast FaroeSoccer serstakliga um nýggju U21-myndirnar av ÍF-leikarunum, sum at kalla eingin hevði mynd áðrenn. Eitt stórt herðaklapp til unga “leikandi fotografin” Fríða Reinert-Petersen eins og ungu Jakobu Svensdóttir hjá oddaliðnum í bestu kvinnudeilddini, meira av hesum, takk.

Myndirnar (hóparnir) síggjast við at klikka á liðnøvnini omanfyri.

FaroeSoccer takkar bæði feløgum, einkultpersónum og fotografum hjartaliga fyri ómakin og vælviljan at brúka myndirnar. Vit slota tó alla tíðina eftir fleiri myndum, eitt nú er (ov) langt síðani, at vit kundu vísa KÍ-kvinnurnar (onkur?) :-)

Vit spæla saman!

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019