Góða – og kanska heldur óvæntaða – langa sigursrøðin hjá nýggja felagnum í 2. deild, Undrinum, fekk ein enda, tá teir næstbestu hjá EB/Streymi komu á vitjan í Gundadali í 6. umfari. Her knógvaðu meira royndu sundalagsmenninir ungu havnarmonnunum 2-0 og kannaðu sær sín 6 sigur á rað – sum síðani gjørdist til 7 sigrar á rað, tá teir vunnu trygt 5-1 í Streymnesi móti teimum triðbestu hjá KÍ.
Undrið reisti seg tó skjótt aftur eftir ósigurin fyri EB/Streymi, og við at vinna ein góðan 2-1 útisigur á teimum næstbestu hjá 07 Vestur, hava teir lagt seg á eitt rættuliga trygt 2. pláss 5 stig frammanfyri teir triðbestu hjá Víkingi (sum ikki kunnu flyta upp) og 6 stig frammanfyri teir næstbestu hjá B36.
B36 við navnframa venjaranum, Kára Reynheim, má á pappírinum metast sum einasti seriøsi avbjóðarin hjá EB/Streymi og Undrinum til eitt uppflytingarpláss í 2. deild, men úrslitini – eins og manningarnar – hjá B36 hava verið í so svingandi higartil, og 1-1 í Gundadali seinast móti botnliðnum B68 boðar ikki frá góðum.
Í botninum eru ikki hendar stórvegis broytingar. Tað eru framvegis teir næstbestu hjá B68 og ÍF, sum dvølja á niðastu rók, men B68 hevur ikki so langt upp til tey 3-4 liðini beint omanfyri strikuna.
Tað er nú liðskiparin hjá NSÍ, Jóannes Hansen, sum er toppskorari í 2. deild við sínum 8 málum. Men eins og við undanfarna toppskoraranum, Andras Dalbø, so manglar FaroeSoccer tíverri eisini eina andlitsmynd av Jóannesi. Hvat siga tit harúti? Nakar kjansur at fáa eina góða mynd? Ein sjálvsmynd er eisini fín, tit báðir :-)
Øll hagtølini um 2. deild finnast her.