Espa�ol English F�royskt

U21 nærkast endaspælinum

hósdagur 19. apríl 2018
U21 MENN – Undanspælið er um at halla og endar seinni hendan mánaðin. Mesti spenningurin er í B-bólkinum um, hvør fer upp í FM-bólkin, og hvør sleppur at leika úrtøkudystir móti niðasta liðnum í A-bólkinum.

Tað er ikki tað stóra, man frættir um kappingini hjá U21. Tað er ringt at fylgja við, tí meira enn annar hvør dystur verður fluttur – og onkutíð meira enn eina ferð, og harafturat verða onkrir bara útsettir uttan nýggja dagfesting, og summatíðir kann drúgv tíð ganga áðrenn nýggja dagfesting. Í fleiri førum býta dómarar eisini um dystir, og tað ger tað truplari (les: tað tekur longri tíð) at fáa fakta skrásett í comet-skipanina hjá FSF og tískil eisini hjá FaroeSoccer.

Men nú byrjar so smátt at líkjast. Bara ein dystur er nú útsettur í A-bólkinum, meðan tríggir eru útsettir í B-bólkinum. Hesir fýra dystirnir hava nú allir fingið nýggja dagfesting.

Í A-bólkinum stendur ikki tað heilt stóra upp á spæl, tí øll feløgini hava rímuliga góðan kjans at røkka FM-bólkinum. Bara niðasta liðið skal spæla tveir útøkudystir móti nr. 2 í B-bólkinum. Í løtuni liggja KÍa og EB/Streymur til hesar dystir. Tað hevur heldur ikki so stóran týdning (uttan sálarligan kanska), hvar hini liðini enda í A-bólkinum, tí tey fáa hvørki stig ella mál við sær í FM-bólkin.

Í B-bólkinum er størri spenningur. Her tykist Skála at hava frægast kort á hondini at flyta beinleiðis upp í FM-bólkin, meðan eini 3-4 lið liggja til úrtøkudystirnar: NSÍb, Giza Hoyvíkb, TB/FCS/Royn og ÍF.

FaroeSoccer fylgir gongdini, men tá bólkarnir í undanspælinum er liðugt spældir, fara vit eins og áður bara at skráseta FM-bólkin og fylgja gongdini har, tí hini liðini spæla ikki longur um FM.

Úrslit og støður hjá U21 síggjast annars HER.

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019