Hóast FaroeSoccer fyrst og fremst snýr seg um at skráseta hagtøl, so hava andlitsmyndir av ymsu aktørunum eisini høga raðfesting, og seinastu dagarnar hevur gingið upp á stás í so máta.

Føroyska U17-gentulandsliðið er í Hvítarusslandi í hesum døgum og luttekur í Menningarkapping. Umframt at skráseta dystirnar hevur FaroeSoccer eisini fingið nýggjar myndir av gentunum, og tær eru nú lagdar á netið.

Vilt tú vita, hvussu tað gongur, og hvør mannar U17-landsliðið hjá Føroyum, sum er í Estlandi í hesum døgum? So ert tú komin á rætta stað, tí FaroeSoccer skrásetur allar landsdystir og hevur eisini júst fingið andlitsmyndir av øllum 18 leikarunum.

FSF og FaroeSoccer hava gjørt eina nýggja stuðulsavtalu fyri 2019, sum umframt vanligan fíggjarstuðul eisini fevnir um eina spennandi ætlan um at skráseta og talgilda gamlar føroyskar fótbóltsmyndir.