Grundspæl - Bólkur A
Tá innleiðandi kappingin er lokin, flytir lið nr. 6 í A-bólkinum beinleiðis niður í B-bólkin at spæla í endaumførunum, meðan lið nr. 1 í B bólkinum flytur beinleiðis upp í A-bólkin (FM-bólkin) at spæla í endaumførunum. Lið nr. 5 í A-bólkinum í innleiðandi kappingini og lið nr. 2 í B-bólkinum í innleiðandi kappingini spæla dyst sínamillum um rættin til at spæla í FM-bólkinum í endaumførunum. Fremsta liðið í A-bólkinum fær 3 stig við til endaumførini, nr. 2 fær 2 stig við til endaumførini, og hini liðini íroknað uppflytarar úr B-bólkinum fáa hvør sítt stig við til endaumførini. Um lið í B-bólkinum hevur møguleika at enda í millum 3 tey fremstu liðini í FM-bólkinum, og tað eru stigini hjá nr. 1 og 2 í innleiðandi kappingini sum gera munin, so fella stigini, sum fylgdu við frá innleiðandi kappingini, burtur. (váttað av FSF 10. juni)