Español English Føroyskt

Manglar


FaroeSoccer er ikki betri enn keldurnar

Sum nevnt aðrastaðni her á síðuni, so er FaroeSoccer ikki betri enn tað tilfarið, sum er til og tókt. Ein gjøgnumgongd av dómaraseðlunum hjá FSF staðfestir, at gott 100 dómaraseðlar mangla fyri tíðarskeiðið 1991-2006. Hetta talið var enn hægri, áðrenn FaroeSoccer fór út í nøkur av feløgunum at leita. 

  1  Menn - Upp/niðurflytingardystir
12  Menn - Næstbesta deildin
51  Menn - Triðbesta deildin
  6  Menn - Steypakappingin
22  Kvinnur - 1. deild
  7  Kvinnur - steypakappingin

Tað er greitt, at allir hesir manglandi dómaraseðlarnir mugu ávirka hagtølini hjá FaroeSoccer onkursvegna.

Sjálv úrslitini av hesum dystunum er ikki nakar trupuleiki, tí tey kunnu finnast aðrastaðni. Hetta merkir eisini, at til ber at gera eina endaliga støðu burturúr ymsu kappingunum.

Í flestu førum ber eisini til at finna málskjúttarnar niður til 1992 við bókunum Føroyskur Fótbóltur 1992-2003 sum høvuðskeldu, men eisini aðrar keldur stuðla undir.

Høvuðstrupulleikin eru manningarnar, dómararnir, kortini, skiftingarnar og minutttølini (og leiktíðin). Hetta kemur fyri størstan partin at mangla, tí fjølmiðalrnir gera sjáldan nakað burturúr lægri deildunum.

FaroeSoccer roynir at gera vart við manglandi hagtølini undir ymsu kappingunum tey árini, har manglar eru. 

Tíðin áðrenn 1991
Einki yvirlit yvir manglandi dómaraseðlar fyri hetta tíðarskeiðið er gjørt enn, men greitt er, at her er standurin enn verri, heilt nógv ár er púrt einki at finna.

Av tí at so nógv manglar, verður tað bara besta mannfólkadeildin (1942) og steypakappingarnar hjá monnum (1955) og kvinnum (1990), sum verða skrásettar aftur til byrjanina.

 

Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019