Español English Føroyskt

Leikarahagtøl


Leikarahagtølini 1991 til í dag
Leikarahagtølini á FaroeSoccer umfata bara tær dátur, sum koyrdar eru í dátugrunnin, tvs. yvirorðnað aftur til 1991 (summar kappingar tó styttri aftur). Harumframt skal leggjast upp fyri at:

1) Dómaraseðlar kunnu mangla (sí yvirlit 1991-2006 her)
2) Dómaraseðlar kunnu vera mangulfullir og innihalda feilir
3) FaroeSoccer kann hava gjørt feilir

ad1)
Í teimum førum, har dómaraseðilin manglar (typiskt í lægri deildum/kappingum), koma so gott sum sikkurt dátur at mangla, tí hendan informatiónin er sjáldan at finna aðrastaðir – burtursæð frá úrslitinum og í nøkrum førum málskjúttunum.

ad2)
Stundum eru dómaraseðlarnir mangulfult útfyltir, bæði av dómaranum og feløgunum. Tað kann vera at:
1) Dómarar – serliga hjálpardómarar – ikki eru upplýstir, ella undirskriftirnar eru ólesiligar
2) Málskjúttar mangla (ella minuttøl og/ella málraðfylgjan)
3) Skiftingar mangla ella eru mangulfult upplýstar, t.d. bara hvør kom inn, ongi minuttøl v.m.
4) Ivasom kort, t.d. tvey gul ella beinleiðis reytt? Manglandi minutttøl
5) Longd leiktíð og brotsspørk eru ikki upplýst.

ad3)
Í nøkrum førum hevur tað verið at kalla ógjørligt at siga, hvør onkur leikari á dómaraseðlinum er, tí fleiri á sama liðið hava itið tað sama ella eru skrivaðir líka. Eitt dømi eru tvíburðarnir í Gøtu, Poul Arni Jacobsen og Poul Andrias Jacobsen, sum typiskt bara verða skrivaðir Poul A. Jacobsen. Hvør minnist aftur í tíðina 10-20 ár, hvør spældi osfr.?
Afturat hesum kunnu so sjálvsagt reint menniskjasligir inntøppingar- ella forritingarfeilir koma fyri. Hesir verða tó sjálvsagt rættaðir beinanvegin komið verður fram á (møguligar) slíkar.

Hesi tingini samanlagt gera, at summu leikarahagtøl – serliga tey í lægri deildunum/kappingunum skulu takast við ávísum fyrivarni, men tey kunnu vera mikið upplýsandi fyri tað – bara ikki 100 prosent.

Høvuðsmálið hjá FaroeSoccer er at finna og skráseta mest møguligt, men tað hevur eisini týdning at staðfesta, hvat manglar og ikki er til at finna. Hetta visti eingin, áðrenn FaroeSoccer skrásetti tað. Hetta merkir, at nú vita øll, hvat manglar, so kanska okkurt kann koma undan kavi undan væðingini onkustðani, men FaroeSoccer hevur tó ikki tær stóru vónirnar um hetta.


Leikarahagtølini 1991 og eldri
Tíðin frá 1942 til 1991 (serliga 1971-1991) má reint tekniskt taklast uppá ein annan máta enn tíðarskeiðið 1991/1992 til í dag. Høvuðsorsøkin er, at dómaraseðilin hetta tíðarskeiðið ikki upplýsir:

1) Hvørjir leikarar byrja inni, og hvørji byrja úti
2) Skiftingar
3) Málskjúttar
4) Minutttøl

Hetta, saman við at alt fleiri dómaraseðlar mangla (eisini í bestu deildini), jú longur aftur í tíðina man kemur (í fleiri førum heilir árgangir), ger, at FaroeSoccer neyvan fer at skráseta meira enn bestu deildina og steypakappingina aftur til byrjanina í 1942 og 1955.

Næst- og triðbesta mansdeildin og 1. deild kvinnur verða nøkur ár aftur í tíðina bert skrásett við úrslitum, so ein støða kann gerast burturúr kappingini. Skeringspunktið hjá næst- og triðbestu monnunum verður allarhelst 1976 og hjá kvinnunum 1985.

Ætlanin er tó at skráseta allar A-landsdystirnar hjá monnum og kvinnum, sum leiktir vórðu áðrenn altjóða limaskapin í UEFA og FIFA, aftur til byrjanina, tí hetta tilfarið er fyri tað mesta til. Hetta umfatar m.a. eisini luttøkuna á Oyggjaleikunum. Allir hesir nevndu dystir verða skrásettir sum óalmennir, men teir eru ikki minni áhugaverdir fyri tað.

Næsta stóra avbjóðingin hjá FaroeSoccer verður heilt avgjørt at skráseta hesa eldru tíðina. Størsti trupulleikin verður uttan iva at finna neyðugu tíðina, tí hetta arbeiðið man allarhelst koma upp í eitt heilt ársverk í research og skráseting fyri ein persón.

 

Sendið okkum dómaraseðlarnar
Til feløg og dómarar
Minnist til at senda okkum dómaraseðilin beint eftir loknan dyst í hesum kappingum:
Effodeildin, 1. deild menn, 2. deild menn, U18 dreingir, 1. deild kvinnur og Steypakappingarnar M/K.
Seðlarnir skulu sendast til faks 320516 ella tpost fotboltshagtol@gmail.com. Er nakar trupulleiki ella okkurt at spyrja um, so ringið 320515/520515.
Samstarvsfelagar
2010-2014