Español English Føroyskt

Um okkum


Marni MortensenMarni Mortensen (1964)
Marni er havnarmaður við stóra H og undangongumaðurin og drívmegin í hesi verkætlanini.
Útbúgvin bankamaður og arbeiddi í Føroya Banka 1985-1992. Síðani 1997 hevur hann starvast hjá Jarðfeingi (fyrrv. Oljufyrisitingin) sum skrivstovufólk.
Marni hevur verið leikari og nevndarlimur í HB umframt fingist við (alt ov) mong ymisk fyrisitingarlig ting í felagnum.
Var við til at gera báðar HB-bøkurnar ”Havnarmenn í Gundadali” (1994) saman við Jógvan Arge, og ”Koyr á HB!” (2004) saman við Suna Merkistein.
Eisini hevur Marni verið heimasíðuvertur á HB-heimasíðuni síðani byrjanina í 1998, til hann gavst í 2010.
Umframt at vera HBari um ein háls, so er Marni eisini ein mega Arsenalfjeppari.



Eyðun Lamhauge (1973)
Eyðun er runavíkingur og høvuðsforritari á verkætlanini. Hann hevur gjørt bæði dátugrunnin, heimasíðuskipanina og sjálva heimasíðuna til FaroeSoccer.
Útbúgvin KT-frøðingur á Fróðskaparsetri Føroya í 2005, og hevur verið KT-leiðari á Faroe Seafood og Statoil Føroyar. Í 2006 byrjaði hann sítt egna virki Admind www.admind.fo saman við Jonhard Larsen í Klaksvík. Teir menna og selja KT-loysnir. Eyðun hevur altíð nógv (KT)jørn í eldinum.
Umframt fótbólt - ikki minst NSÍ og Liverpool - so brennir Eyðun eisini fyri talvi.

Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018