Giza/Hoyvík hevur fyrstu ferð nakrantíð teknað eitt U18-lið til kappingina í ár. Hetta eru fyri tað mesta hoyvíkingar, sum leika hondbólt við H71 um veturin, og nógvir teirra hava áðrenn hetta leikað – kanska minni seriøsan – fótbólt við HB og B36. Úrslitini hava ikki verið nakað at rópa hurra fyri higartil, men tað var helst væntandi, hetta er mest ein liður í at byggja nakað upp á ungdómssíðuni, nú nýggi leikvøllurin hjá Giza/Hoyvík í Hoyvík væntast liðugur seinni í ár.
U18-hópurin hjá Giza/Hoyvík higartil i ár sæst her.
Í Runavík møta eini 30(!) U18-leikarar til venjing, og tískil er nóg gott grundarlag at hava tvey lið við í kappingini í ár. NSÍ b hevur tað tó sum væntað sera trupult í sínum bólki, og teir eins og Giza/Hoyvík munnu nokk gleða seg til innleiðandi bólkaspælið er liðugt, og eitt sindur lakari ella javnari mótstøða fer at vísa seg.
U18-hópurin hjá NSÍ b higartil í ár sæst her.
FaroeSoccer takkar Giza/Hoyvík og NSÍ - venjarum og leikarum - fyri beinasemi og vælvilja.
Vit vóna at fáa fatur á enn fleiri vangamyndum í næstum.
Vit spæla saman!