Gott myndahál
týsdagur 15. apríl 2014
Seinasta vikan ella so gjørdist eitt rímuliga gott myndahál hjá FaroeSoccer, og hevði veðrið spælt meira við, so kundi tað verið enn betri. Men á páskum ber vónandi aftur til at herja á.
FaroeSoccer roynir sum so ofta nevnt at vera úti um seg at fáa profilmyndir til síðuna, tað veri seg av leikarum, venjarum ella dómarum – bæði menn og kvinnur.
Seinastu vikuna ella so hevur FaroeSoccer fingið/tikið myndir av:
HB Effohópurin (takk til HB/Heðin Weihe)
B36 1. deild
07 Vestur 1. deild
Víkingur 2. deild
NSÍ U18 dreingir (takk til NSÍ/Sámal Hansen)
U17 dreingir landsliðið (takk til FSF/Eli Hentze)
Hevði veðrið spælt eitt sindur betur við, so høvdu vit eisini havt nýggjar myndir av 1. deild hjá HB og NSÍ og 2. deild hjá B36, men tað gekk ikki hesa ferð.
Einstakar myndir er komnar sendandi frá FC Suðuroy og EB/Streymi, og harafturat skuldu myndir av gentunum á U17-landsliðnum verið á veg eisini.
Í løtuni hava gott og væl 1.700 leikarar profilmyndir á FaroeSoccer, og umleið 400 profilmyndir eru afturat av venjarum og dómarum. FaroeSoccer man hava myndir av eini 80-90% av øllum teimum núverandi íðkandi í teimum kappingum, sum vit skráseta. Tær flestu myndirnar, sum mangla, eru av eldri/givnum leikarum og øðrum. Men tey umleið 4.000 andlitini eru ikki minni áhugaverd fyri tað!
Allar myndir verða lagdar á netið sum skjótast og sjáldan meira enn 1-2 dagar eftir mynda(mót)tøku.
STÓRA takk fyri øll tit, sum hjálpa til at gera FaroeSoccer meira áhugavert - hetta ger sjálvsagt eisini tykkara felag meira áhugavert. Einstaklingar eru enn sum áður MEIRA enn vælkomnir at senda okkum myndir av sær sjálvum – ella øðrum :-)
