Español English Føroyskt

B68 og Skála upp og B71 niður

mikudagur 2. oktober 2013
1. DEILD MENN - 26. umfar: B68 vinnur næstbestu deildina og Skála fer upp í Effodeildina saman við teimum. Sandoyingar mugu ta tungu gongd niður í triðbestu deildina

1. DEILD MENN - 26. UMFAR:

Umfar

Dagur

Dómari

Heima

Úti

Úrslit

26

28-09

Bent Tommy Linklett

EB/Streymur II

B68

2-5

26

28-09

Súni Fríði Barbá

B36 II

FC Suðuroy

2-0

26

28-09

Eiler Rasmussen

B71

HB II

1-0

26

28-09

Pætur Albinus

Víkingur II

Skála

1-4

26

28-09

Kári J. á Høvdanum

KÍ II

TB II

2-2

Skála flytir aftur upp í bestu fótbóltsdeildina.

Tað gjørdist greitt, tá liðið á útivølli móti Víkingi vann við fýra málum móti einum. Tann sigurin hevði við sær, at FC Suðuroy ikki kundi fáa Skála aftur áðrenn kappingin endar.

Nú var sigurin hjá Skála tó ikki neyðugur, tí FC Suðuroy tapti sín næst seinasta dyst – á útivølli móti B36– og tann ósigurin hevði somu ávirkan, sum sigurin hjá Skála. FC Suðuroy kundi ikki røkka uppflytingini, sjálvt um teir toygdu seg.

Skála hevur nú 48 stig á øðrum plássi, og tað er átta meira enn FC Suðuroy, og bara trý stig eru eftir at spæla um. Skála hevur eisini trý stig meira enn HB, og tað kann gerast áhugavert í stríðnum fyri silvurinum, men har er málmunurin við skálamonnum.

Áðrenn vikuskiftið var greitt, at B68 flutti upp, nú var spurningurin bara, um toftamenn eisini fóru at vinna deildina. Vunnu teir dystin leygardagin, vunnu teir eisini deildina, og tað var júst tað sum hendi. B68 vann stórt á útivølli móti EB/Streymi, og so var alt stríðið í oddanum avgreitt.

Í botninum er tað eisini greitt, at B71 ikki spælir í næstbestu deildini næsta ár. Kortini megnaðu sandoyingar at vinna heimadystin móti HB, sum einaferð var so klárt oddalið, at eingin ivaðist í, at teir fóru at vinna deildina. Nú liggur HB á triðja plássi og hetta vikuskiftið taptu teir móti botnliðnum.

Meira ivasamt er tað, hvør flytur niður við sandoyingum. Í fyrsta umfari valdast tað um, hvussu Effodeildin endar, og tí verður niðurflytingin kanska ikki avgreidd fyrr enn eftir seinasta umfar í bestu deildini.

Áðrenn seinasta umfar í næstbestu deildini er støðan tann, at TB er næstaftast, EB/Streymur triðaftast og KÍ er fjórðaftast. Og endar tað soleiðis, so kann úrslitið gerast, at KÍ flytir niður av fjórðaftasta plássi. Ella TB av næstaftasta. Tí KÍ og TB stríðast eisini fyri lívinum í Effodeildini. So spenningur er í enn.

Seinasta umfar í 1. deild verður spælt leygardagin, og seinastu dystirnir í hesum kappingarárinum eru hesir:

27

05-10-2013

Pætur Albinus

B68

B71

-

27

05-10-2013

Kári J. á Høvdanum

TB II

B36 II

-

27

05-10-2013

Johan Petur Michelsen

Skála

EB/Streymur II

-

27

05-10-2013

Jóhan Hendrik Ellefsen

HB II

KÍ II

-

27

05-10-2013

Súni Fríði Barbá

FC Suðuroy

Víkingur II

-

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018