Espa�ol English F�royskt

U17-dreingjalandsliðið er í Estlandi

týsdagur 23. apríl 2019
Vilt tú vita, hvussu tað gongur, og hvør mannar U17-landsliðið hjá Føroyum, sum er í Estlandi í hesum døgum? So ert tú komin á rætta stað, tí FaroeSoccer skrásetur allar landsdystir og hevur eisini júst fingið andlitsmyndir av øllum 18 leikarunum.

U17-dreingirnir hjá Føroyum eru í Estlandi í hesum døgum og leika eina menningarkapping. Londini í bólki okkara eru Estland, Føroyar, Liktinstein og Litava. Fyrsti dystur okkara var í gjár, tá vit sambært venjaranum, Áka Johansen, eitt sindur óneyðugt taptu 2-0 fyri allarhelst sterkasta liðum, Litava. Vónirnar eru tískil góðar til hinar báðar dystirnar, ið eftir eru. Fulla leikskráin sæst annars her: http://www.faroesoccer.com/content.php?pid=185

Fyri nakrar dreingir eru hetta fyrstu landsdystir teirra, meðan aðrir hava spælt nakrar einstakar almennar dystir við U15- og/ella U17-landsliðnum fyrr.

Í sambandi við hesa ferðina hjá U17-dreingjunum hevur FaroeSoccer sum so mangan fyrr fingið nýggjar andlitsmyndir sendandi frá venjaranum og fotografinum, Áka Johansen. Tað frøast vit almikið um og takka fyri. Myndirnar kunnu síggjast her: http://www.faroesoccer.com/team.php?teamID=5326

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019