Español English Føroyskt

Nýggjar myndir frá ÍF

hósdagur 14. mars 2019
Feløgini eru vorðin raskari at taka andlitsmyndir av sínum leikarum. Longu nú hevur FaroeSoccer fingið sendandi nýggjar myndir av Betri-hópinum hjá ÍF. Og myndir frá øðrum feløgum eru væntandi.

Eitt nýtt kappingarár er byrjað, og FaroeSoccer liggur enn sum áður framvið at fáa sett andlit á øll, sum hava ein profil ella eina vangamynd á síðuni, tað verið seg leikarar, venjarar ella dómarar. Hetta er galdandi fyri allar deildir og bæði menn og kvinnur.

Nógvir nýggir leikarar verða skrásettir á FaroeSoccer hvørt ár, serliga U21-leikarar og U-landsliðsleikarar. FaroeSoccer vil fegin hava eina góða andlitsmynd av øllum hesum, tí so gerast hagtølini hugaligari lesnaður samstundis :-)

FaroeSoccer tekur eisini sínar egnu myndir, men tað er eyðsæð, at trupult er at koma runt allastaðni, so tað er sera kærkomið, tá feløg og einstaklingar taka myndir sjálvi og lata FaroeSoccer avrit.

Tað hevur ÍF gjørt aftur í ár.

Tað er Svanna Dam Joensen, sum hevur tikið góðu myndirnar av øllum Betri-leikarunum hjá ÍF og fólkunum kring liðið.

FaroeSoccer takkar ÍF og Svannu fyri ómakin og vælviljan og ynskir nýggja liðnum í Betri Deildini gott kappingarár.

Myndirnar eru nú lagdar á netið og síggjast her:

http://www.faroesoccer.com/team.php?teamID=5213


comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019