Español English Føroyskt

2. deild menn 1990 liðugt skrásett

fríggjadagur 23. november 2018
Nú tá eingin kapping er í gongd í Føroyum eru betri stundir at gera nakað við eldru kappingarárini. FaroeSoccer er nú komið á mál við næstbestu deildini hjá monnunum í 1990 - eitt áhugavert kappingarár.

Tað er sum onkutíð fyrr nevnt ikki so líkatil at skráseta eldru kappingarárini. Gomlu dómaraseðlarnir áðrenn 1992/1993 upplýsa (alt) ov lítið, og tískil krevst nógv eyka – tíðarkrevjandi – kanningararbeiði fyri at fylla holini og koma nærri málinum, t.d. gjøgnumgongd av gomlum bløðum, FSF-Skipanum og prát við summi, ið vóru við tá, leikarar, venjarar og dómarar osfr. 

Gomlu dómaraseðlarnir upplýsa sum útgangspunkt t.d. ikki, hvør byrjaði inni og úti, útskiftingar, málskjúttar og eingi minutttøl fyri nakra hending. Fólkini á beinkinum verða heldur ikki upplýst, t.d. hvør er venjari.

Sum vituligt er, gera miðlarnir fyrr eins og í dag munandi minni burturúr lægri deildunum enn bestu deildini, so tað kann ofta vera trupult at finna nógv av tí, ið manglar, og 2. deild 1990 er einki undantak í so máta. Bara ein(!) málskjútti manglar, men leiktir dystir og minuttir eru ikki eftirfarandi – í mestan mun bara vegleiðandi.

Í 1990 vóru 10 lið í 2. deild, harav 8 feløg høvdu sítt besta lið í næstbestu deildini: NSÍ, Sumba, Royn, LÍF, Skála, SÍ, Fram og ÍF. Bara B36 og GÍ vóru eisini umboðað í bestu deildini. Á FaroeSoccer verður næstbesta deildin av praktiskum orsøkum nevnd 1. deild menn. Vel Kappingar og 1. deild menn í høvuðsvalmyndini og skrolla so til 1990 í støðuni.

Hetta árið 1990 var annars árið, tá Sumba rættuliga óvæntað spældi seg upp í bestu deildini á fyrsta sinni, tá teir settu seg á annað uppflytingarplássið aftanfyri suverena NSÍ-liðið, sum vann 2. deild. Hetta árið skiftust Gestur á Líknargøtu hjá NSÍ og Jan Poulsen hjá Sumba um at bomba bóltarnar í kassan.

Teir (vónandi mongu), sum hava hug at kekka hesa kappingina og sínar dystir nærri, kunnu síggja originalu dómaraseðlarnar sum PDF, tá man er inni á elektroniska seðlinum. PDF-urin (ein PDF-ikon) finst beint undir búmerkinum hjá útiliðnum. 

FaroeSoccer frættur fegið frá brúkarum okkara, um onkrar viðmerkingar eru – ALT hevur áhuga, ikki minst andlitsmyndir (nærmyndir) av øllum aktørum frá aktivu tíðini at brúka til profilarnar :-)


comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018