Español English Føroyskt

Undrið og EB/Streymur renna undan

týsdagur 1. mai 2018
SAMANUM EFTIR 5 UMFØR: Nýggja liðið í 2. deild, Undrið, og EB/Streymur hava bara sigrar at vísa á higartil og hava longu vunnið sær eina 7 stiga leiðslu, sum kann vísa seg at verða tung at fáa aftur hjá nøkrum av hinum liðunum.

Tað tykist ikki, sum nakar klárar at steðga sigursgongdini hjá Undrinum og EB/Streymi í 2. deild, men í næsta umfari nú leygardagin 5. mai møtast toppliðini bæði í Gundadali, og tá fer so annað teirra, um ikki bæði, at missa stig.

Í 2. deild verða bara spæld 18. umfør, so ein so trivalig leiðsla, sum Undrið og EB/Streymur hava bygt sær upp longu nú eftr 5 umfør, kann verða trupul at vinna innaftur hjá kappingarneytunum. Í løtuni er eisini trupult at síggja, hvørjir hesir avbjóðarar skuldu verið uttan B36 møguliga. Men teir hvítu Havnarmenninir hava ikki verið serliga sannførandi higartil við nokkso svingandi manningum og hava bara vunnið tveir dystir og spælt tveir javnar. EB/Streym gjørdu teir einki við í Streymnesi í 3. umfari og taptu 4-2.

Spenningurin verður kanska heldur størri í hinum endanum á stigatalvuni, har trý Eysturoyarlið hava trokað seg saman í botninum. Tað sær út til at kunna blíva eitt tungt ár hjá teimum næstbestu hjá ÍF og B68 og teimum triðbestu hjá NSÍ.

Tað eru teir triðbestu hjá Víkingi, sum eiga toppskoraran í 2. deild í løtuni, hann eitur Andras Dalbø og hevur skorað 6 mál higartil. Tað hevði verið gott um Víkingur ella Andras sendi FaroeSoccer eina góða andlitsmynd av honum (takk fyri) :-)

Øll hagtølini um 2. deild finnast her.

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019