Espa�ol English F�royskt

U17-gentulandsliðið í Hvítarusslandi

fríggjadagur 10. mai 2019
Føroyska U17-gentulandsliðið er í Hvítarusslandi í hesum døgum og luttekur í Menningarkapping. Umframt at skráseta dystirnar hevur FaroeSoccer eisini fingið nýggjar myndir av gentunum, og tær eru nú lagdar á netið.

Føroysku genturnar hava leikt tveir av teimum trimum dystunum, og báðar ferðirnar hava vit tapt 2-0, fyrst fyri Aserbadjan og í gjár fyri Kasakstan. Eftir er so dysturin móti vertstjóðini, Hvítarusslandi, sum liggur á odda í bólkinum. Spælt verður á graslíkisvøllum í Minsk. Fyrsti dysturin var leiktur innandura í eini “ballónhøll”, sum talan hevur verið um at gera herheima.

Fulla leikskráin og støðan í bólkinum sæst her: http://www.faroesoccer.com/content.php?pid=188 Klikk á úrslitini fyri at síggja dómaraseðlarnar.

Fleiri av hesum U17-gentunum hava longu roynt seg á landsliðnum fyrr, og nakrar hava eisini roynt seg í bestu deildini í Føroyum. FaroeSoccer vil fegin hava sett andlit á allar leikarar, og hesa ferð var eydnan við okkum. Vit hava nevniliga fingið sendar nýggjar andlitsmyndir av øllum teimum 18 leikarunum – harav 13 onga mynd høvdu áðrenn, eitt gott hál.

FaroeSoccer takkar Fróða Danielsen hjá FSF (ferðaleiðara) fyri gott samstarv um dómaraseðlarnar og fyri myndirnar, sum eingin annar enn spælandi KÍ-legendan, Malena Josephsen, hevur tikið. Malena er eisini liðleiðari hjá U17-gentunum hendan túrin.

U17-hópurin og myndirnar síggjast her: http://www.faroesoccer.com/team.php?teamID=5332 (vel ein leikara).

FaroeSoccer ynskir gentunum bestu eydnu í seinasta dystinum í morgin. Dysturin byjar kl. 11:00 føroyska tíð, og hann verður allarhelst stroymdur eins og hinir hava verið. Hetta upplýsir FSF uttan iva á facebookvanga sínum sum vanligt.

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019