Español English Føroyskt

EB/Streymur vunnið 2. deild

sunnudagur 2. september 2018
SAMANUM EFTIR 15 UMFØR: Teir næstbestu hjá EBStreymi eru aftur í 1. deild eftir fýra ára støðg í triðbestu deildini, og hitt uppflytingarplássið liggur til høgrabenið hjá øðrum niðurflytaranum í fjør, B36, nú bert trý umfør eru eftir.

Steðgurin í 2. deild hjá EB/Streymi gjørdis eitt vet drúgvari enn tann hjá B36, sum tykist fara beint uppaftur. Hóast nýggja liðið í 2. deild, Undrið, leingi lá væl fyri í uppflytingarstríðnumn, so eru teir dragnaðir so mikið nógv seinastu umførini í mun til B36 á øðrum plássi, at kjansurin fyri 1. deildarfótbólti komandi ár fyri fyrstu ferð nakrantíð má metast vera fokin.

Oddaliðið tað mesta av árinum, EB/Streymur lat ongan iva vera um, at teir ætla sær at vinna 2. deild í ár, tá Undrið á triðjaplássinum kom á vitjan í Streymnesi í gjár. Dysturin endaði ikki minni enn 8-1, men var í veruleikanum longu avgjørdur í hálvleikinum, tá heimamenninir førdu 5-1.

EB/streymur eru nú 9 stig og 36 mál frammanfyri B36 á øðrum plássi, nú bara tríggir dystir og 9 stig eru eftir spæla um. FaroeSoccer vágar sær longu nú at ynskja sundalagsmonnum til lukku við gullinum og uppflytingini.

EB/Streymur eigur eisini toppskjúttan í 2. deild, Jónstein Magnussen, sum saman við Andrasi Dalbø hjá Víkingi hevur skorað 14 mál higartil.

B36 knógvaði akkurát botnproppinum ÍF í Gundadali, tá teir skoraðu einasta málið í dystinum bert fýra minuttir fyri leiklok. Hesin sigurin ger, at B36 so gott sum er tryggjað 1. deildarfótbólt komandi ár, meðan teir næstbestu hjá ÍF mugu venja seg við tankan um 3. deildarfótbólt næsta ár.

Í botninum vunnu teir næstbestu hjá 07 Vestur ein týdningarmiklan 3-0 sigur á teimum triðbestu víkingunum, so vónin um framhaldandi 2. deildarfótbólt komandi ár er til enn, nú bert eitt stig er upp til teir triðbestu hjá NSÍ. Nú kenna vágamenn sviðan av teimum trimum minusstigunum, teir fingu frá FSF sum avleiðing av, at teir ikki møttu upp móti B36 í Havn fyrr í ár.

Niðurflytingin kann annars ávirkast av, hvussu gongst í 3. deild. Í løtuni liggur KÍ til at vinna FM-bólkin í 3. deild, og teir kunnu sum kunnugt ikki flyta upp, um KÍ III verður verandi í 2. deild.  07 Vestur er eitt av fleiri liðum, ið jagstrar 2. plássið, men teir sleppa ikki upp, um liðið í 2. deild fer niður.

16. og triðseinasta umfar í 2. deild verður leygardagin 15. september, og spælt verður soleiðis:
ÍF II - NSÍ III
KÍ III - EB/Streymur II
Undrið - 07 Vestur II
Víkingur III - AB II
B68 II - B36 II


Øll hagtølini um 2. deild síggjast her.
 

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018