Español English Føroyskt

NSÍ og AB eru FM-biðlarnir

sunnudagur 8. juli 2018
FM-BÓLKURIN, SAMANUM EFTIR 5 UMFØR: Ikki helt óvæntað eru tað somu tvey liðini, sum endaðu nr. 1 og 2 í undanspælinum, sum eisini gera um seg í endaspælinum um FM. NSÍ og AB síggja út til at hava størri breidd enn hini og taka kappingina í størri álvara.

Nú ein fjórðingur er spældur í FM-bólkinum, hava runavíkingar og argjamenn framvegis ongan dyst tapt og spælt javn móti hvørjum øðrum í Runavík. Tað sær út til at hesi bæði liðini leggja meira fyri enn hini at fáa teir góðu leikararnar við til dystirnar – teir leikararnir sum ofta gera mun í vaksnamannadeildunum eisini.

Lið sum KÍ, HB og B36 tykjast óstøðugari og skifta meira manning enn bæði toppliðini, og tey bæði tingini hanga nokk saman. Sama trupulleika hevur Giza Hoyvík og Skála, men teir hava staðið seg óvæntað væl í kappingini higartil allíkavæl.

Tríggir dystir eru ikki spældir higartil, og tann eini av hesum (HB-Giza Hoyvík) hevur framvegs onga nýggja dagfesting. Hinir báðir dystirnir eru Kía-EB/Streymur og Skála-AB. Annnars er tað enn sum áður trupult at fylgja við í hesi kappingini, tí dystir verða fluttir alla tíðina.

Toppskorarin í FM-bólkinum eitur Steffan Løkin og spælir við NSÍ, hann hevur skotið 10 mál í 5 dystum higartil.

Enn er kappingin bert stutt fráliðin sum sagt, men tendensurin er har, og FaroeSoccer fer framhaldandi at fylgja gongdini í FM-bólkinum. Nú er summarsteðgur, og kappingin byrjar (partvíst) aftur 13. august.

Úrslit og støða í U21 FM-bólkinum sæst her.


Steypakappingin

Tað er nú endaligt, at HB fær viðhald í kæruni móti NSÍ í fjórðingsfinaluni í kappingini um Thomas Dam Intersport-steypið, og tískil er tað HB sum fer víðari til hálvfinaluna.

Hálvfinalurnar eru nú settar at vera 13. august, og har er sum vanligt bara EIN dystur:
EB/Streymur - AB
B36 - HB

Finalan verður á Tórsvølli fríggjakvøldið 24. august.  

Øll fakta um steypakappingina síggjast her.
 

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018