Español English Føroyskt

FM-endaspælið hjá U21 byrjað

hósdagur 7. juni 2018
Bæði í landskappingini og í steypakappingini hjá U21 hava verið trupulleikar við ólógligum leikarum, og tað hevur skapt eitt sindur av rumblið. Ein kæra um ólógligan leikara liggur enn hjá Aganevndini. 07 Vestur tók seg úr kappingini, men FM-bólkurin er nú fullmannaður aftur.

Tveir úrtøkudystir skuldu leikast millum niðasta liðið í A-bólkinum (EB/Streymur) og næstovasta liðið í B-bólkinum (Giza Hoyvík b) um rættin at leika í endaspælinum um FM. Frá óalmennum keldum frættist, at hvørki av liðunum høvdu nakran serligan áhuga í at leika í FM-bólkinum, tí mettt var, at liðini vóru ov veik at luttaka har. Løgin hugburður má sigast.

Fyrra úrtøkudystin í Streymnesi vann EB/Streymur 3-1, men dómarin viðmerkti á dómaraseðilin eftir áheitan frá heimaliðnum, at Giza Hoyvík hevði brúkt ein ólógligan leikara (einki spæliloyvi), ein annar leikari var skrivaður á dómaraseðilin fyri hendan! Tilætlað snýt og púra óneyðugt, tá hugsað verður um, at Giza Hoyvík hevði 5 eykaleikarar við til dystin. FSF gjørdi tó einki við málið, áðrenn tann seinni dysturin varð leiktur. Hesin endaði (óheppið fyri FSF?) við 4-1 til Giza Hoyvík b eftir 3-1 í vanligari leiktíð. Giza Hoyvík b flutti nú upp, og FSF gørdi eina leikskrá til FM-bólkin, har hoyvíkingar (nú sum Giza Hoyvík a) vóru eitt av teimum 8 liðunum.

Men nú verður málið um ólógliga leikaran brádliga tikið upp í FSF, og endin verður, at FSF (Aganevndin) ger av, at Giza Hoyvík tapur fyrra dystin 3-0 og fær bót, og EB/Streymur skal halda fram í FM-bólkinum. Ein nýggj kappingarskrá fyri FM-bólkin verður gjørd. Hetta tykist eisini at vera ein røtt avgerð. So far so good.

Men beint sum 1. umfar í FM-bólkinum skal leikast, boðar 07 Vestur frá, at teir taka seg úr kappingini. FSF ger so skjótt av og hálar Giza Hoyvík (a) upp í FM-bólkin allíkavæl. Møguliga rætt, men rættuliga margháttligt! FaroeSoccer veit ikki, um nakað annað lið fekk bjóðað plássið í FM-bólkinum.

Fyrsta umfarið í FM-bólkinum er nú spælt, men dysturin HB-Giza Hoyvík a er fyribils útsettur. FaroeSoccer fer at fylgja gongdini í FM-bólkinum.

2. umfar í FM-bólkinum verður sunnudagin/mánadagin 10/11. juni:
AB - KÍa  kl. 17:00
HB - Skála  kl. 13:00
EB/Streymur - NSÍa  kl. 14:00
Giza Hoyvíka - B36  kl. 14:30

Úrslit og støða í U21 FM-bólkinum sæst her.

Fjórðingsfinalurnar í U21 steypakappingini – kappingini um Thomas Dam Intersport-steypið – vórðu avgreiddar herfyri, og aftur her var galið. NSÍ vann ein greiðan 4-1 sigur á HB í Runavík, men HB hevur kært runavíkingar fyri at brúka ein ólógligan leikara, og mangt bendir á, at HB hevur eina góða sak.

Hinar fjórðingsinalurnar vunnu B36, EB/Streymur og AB.

Enn hevur FSF ella Aganevndin ikki gjørt nakran úrskurð um kæruna hjá HB, men hálvfinalurnar eru ásettar til sunnudagin 17. juni:
B36 - NSÍ (við fyrivarni)
EB/Streymur - AB

Øll fakta um steypakappingina síggjast her.

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018