Español English Føroyskt

Sama søgan

mánadagur 14. mai 2018
7. UMFAR: Tað var aftur toppur móti botni hetta umfarið, og aftur vóru úrslitini tey somu, spurningurin er bara, hvussu stórir sigrarnir skulu vera. Í steypakappingini hava EBS/Skála og HB vunnið sær lítlan fyrimun í hálvfinaluni.

Tað er ikki tað stóra at siga um hetta umfarið, sum gekk akkurát, sum prestur prædikar.  Tað er nokkso gjøgnumgangandi, at tey ovastu liðini brúka fyrra hálvleik at møða mótstøðuna og so skora tey flestu málini í seinna hálvleiki, tá orkan – og hugurin – hjá hinum er er farin at bila, og mótloysið hevur sett inn.

EBS/Skála hevði á pappírinum tann truplasta dystin av toppliðunum, men tá avtornaði gjørdi ÍF/Víkingur einki við greipuvinnararnar, sum at enda vunnu tryggan 3-0 sigur í Gøtu.

Í Havn og á Toftum var spurningurin bara, hvussu stórur sigurin skuldi vera. HB vann 5-0 móti grannunum í Gundadali, og KÍ vann heili 7-0 á B68 á Toftum, men báðir sigrarnir kundu væl verið størri, um effektiviteturin var størri.

Við sínum tveimum málum í dystinum móti B36 er Heidi Sevdal framvegis toppskorari í Betri Deildini hjá kvinnunum.

Tað er greitt, at eingin broyting hendir í støðuni í toppinum, fyrrenn hesi trý liðini leika sínar innanhýsisdystir. Ein slíkur verður nú hóskvøldið kl. 18:00 í Klaksvík, tá útsetti dysturin frá 4. umfari millum KÍ og EBS/Skála loksins verður spældur. Og í 8. umfari komandi fær HB so ein kjans at vaska eyðmýkjandi stórtapið í Streymnesi í 3. umfari av sær og vísa seg sum ein veruligan FM-biðil.

Komandi umfar í Betri Deildini 21. mai - mánadagin 2. hvítusunnudag - sær soleiðis út:
B68 – ÍF/Víkingur kl. (kemur)
KÍ – B36 kl. (kemur)
HB – EBS/Skála kl. (kemur)

Úrslit og støða og onnur hagtøl í Betri Deildini síggjast annars HER.


STEYPAKAPPINGIN

Fyrru hálvfinalurnar vórðu avgreiddar 6. mai, og her er einki avgjørt enn. HB vann tepurt 5-4 móti KÍ í Klaksvík, og EBS/Skála vann "bert" 2-1 í Streymnesi móti ÍF/Víkingi.

Hetta ger í hvussu so er seinna hálfinaludystin HB-KÍ rímuliga opnan og spennandi, meðan EBS/Skála framvegis má metast at vera nokkso stórur favorittur móti ÍF/Víkingi í seinna hálvfinaludystinumi Gøtu. Í løtuni líkist steypafinalan eitt sindur eini endurtøku av finaluni millum HB og EBS/Skála í fjør.

Seinna hálvfinalan verður leygardagin 2. juni, og FaroeSoccer fylgir gongdini.

Alt um steypakappingina sæst annars HER.





comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017