Español English Føroyskt

Ónøgdir meistarar

fríggjadagur 6. apríl 2018
4. UMFAR: Toppdysturin, sum skuldi vera í Klaksvík seinasta sunnudag millum KÍ og EBS/Skála varð av ongum vegna kava á vøllinum. FSF ásetti dystin at vera hóskvøldið, men tað vildi KÍ ikki, og FSF gekk teimum á møti.

Meistararnir eru als ikki nøgdir við orsøkina hjá KÍ at útseta dystin eina ferð afturat, tí sambært teimum væl var spælandi á vøllinum. Og tær eru ikki heldur ikki nøgdar við avgerðina hjá FSF at játta KÍ at útseta dystin aftur. FaroeSoccer kennir ikki innihaldið í brævinum, sum EBS/Skála hevur sent FSF. Brævið er sum skilst ikki nøkur formel kæra, men vit vita, at EBS/Skála vil hava FSF og Kappingarnevndina at viðgera málið av nýggjum.

Umboð fyri EBS/Skála  vilja vera við, at KÍ bara roynir at vinna tíð, so tær kunnu hava landsliðsleikaran, Eyðvør Klakstein, við á liðnum, tá dysturin einaferð kemur fyri. Kappingin í Spania er nú liðug, og tískil er Eyðvør klár til enn eitt tørn fyri KÍ.

Hinir báðir dystirnir í 4. umfari í Betri Deildini vórðu avgreiddir sum ásett. Í Havn gjørdi HB sína skyldu, tá tær vunnu ein tepran 2-0 sigur á ÍF/Víkingi, men tær reyð-svørtu fingu meira mótstøðu, enn tær brýggjaðu seg um. Nógvur kavi kom niður í seinna hálvleiki, men dysturin varð allíkavæl liðugt leiktur, og tað var ikki óuppiborið at HB vann, hóast spæl og kjansir sum heild var rættuliga javnt býtt. Heidi Sevdal og Elin Maria Isaksen vóru á blettinum fyri HB og syrgdu fyri, at HB framvegis hongur í hinum báðum toppliðunum.

Bæði tey niðastu liðini, B68 og B36, komu upp á stigatalvuna, tá tey á Toftum leiktu ein málleysan javnleik. Kavaveðrið kring landið nervaði ikki hendan dystin, sum var leiktur í góðum líkindum. Tað er annars ikki tað stóra, ið er at frætta frá hesum dystinum, uttan at B36 hevði bóltin í málinum ta einu ferðina, men málið var kolldømt.

Ongin nýggjur leikari varð royndur í Betri Deildini í teimum báðum dystunum í 4. umfari.

Stóri dysturin í 5. umfari verður uttan iva uppgerðin í Havn millum HB og KÍ, men næsta umfarið verður ikki fyrrenn sunnudagin 15. apríl vegna tilstundandi landsdystin móti Íslandi. Tá verða Betri dystirnir annars hesir:

HB - KÍ
B36 - ÍF/Víkingur
EBS/Skála - B68

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017