Español English Føroyskt

Eldru landsdystirnir eisini tøkir

fríggjadagur 17. februar 2017
Føroyingar spældu eisini A-landsdystir áðrenn limaskapin í FIFA og UEFA . Hesar dystirnar - 60 í tali - hevur FaroeSoccer nú allar skrásett og lagt út. Unglinga- og dreingjalandsdystir koma seinni.

Óalmennu A-landsdystirnir eru at finna í høvuðsvalmyndini undir LANDSDYSTIR > MENN/Óalmennir landsdystir. Yvirlit er sjálvandi eisini yvir, hvør leikarar hava umboðað landslið okkara hetta tíðarskeiðið - 152 leikarar tilsamans.

Tá talan er um landsliðshagtøl verður vanliga gjørdur munur á, um talan er um landsdystir áðrenn og eftir limaskapin í FIFA (1988) og UEFA (1990).

Dystirnar, vit hava leikað EFTIR limaskapin, rokna vit vanliga at vera almennar (teljandi) altjóða skrásettar landsdystir í dag.

Teir eldru A-landsdystirnar – 60 í tali – nevnur FaroeSoccer “Óalmennar landsdystir”. Hesir dystir vóru tó sjálvsagt roknaðir sum almennir í síni tíð áðrenn altjóða limaskapin, og teir eru enn ein sera áhugaverdur partur av føroysku fótbóltssøguni. Man kundi kanska bara nevnt hesar dystir “Eldri landsdystir”, men tað ber eitt sindur illa til, tí tann seinasti av hesum er frá 2014 (Gibraltar) og nakrir eru eisini frá 1991 (Oyggjaleikir), tvs. eftir limaskapin í UEFA/FIFA.

Tað hevur tikið nakað av granskingararbeiði at finna tilfarið ella fakta um summar av hesum dystunum (serstakliga mótstøðuleikararnar), tí fyrr vórðu sum oftast eingir dómaraseðlar skrivaðir til landsdystir. Men tíbetur hava nøkur mið verið at troytt, bæði herheima og uttanlands, ein serlig tøkk til Suna Merkistein í hesum sambandi.

Um nakað er at viðmerkja um skrásetingina av óalmennu landsdystunum, líkamikið hvat, so frætta vit fegnir. Ætlanin er eisini at skráseta teir óalmennu landsdystirnar hjá unglingunum og dreingjunum, hóast keldurnar ikki eru eins góðar til hesar dystirnar sum til A-landsliðið.


Føroyska A-landsliðið í 1968. Hesir garparnir fáa nú eisini síni gomlu landsliðshagtøl skrásett rætt á FaroeSoccer. 


comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Effodeildin, 1. deild menn, 2. deild menn, U18 dreingir, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Samstarvsfelagar
2010-2017