Español English Føroyskt

Betur yvirlit yvir hóparnar

mánadagur 21. november 2016
Tað hendir meira enn so, at FaroeSoccer fær fyrispurningar um útlendskar leikarar í Føroyskum fótbólti. Við nýggja betraða yvirlitinum yvir hóparnar eru hesir nú lættir at finna.

FaroeSoccer hevur nú merkt allar leikarar í einum hópi við einum flaggi, sum sigur hvørjum landi teir eru úr. Ivast tú í hvat land, eitt flagg umboðar, so er bara at nema við flaggið, so verður tað upplýst.

Enn hevur FaroeSoccer ikki nøkur beinleiðis hagtøl yvir úlendingar í føroyskum fótbólti, men við nýggja betraða yvirlitinum yvir hóparnar eru hesir nú skjótari at finna í eini handavend.

Eitt yvirlit yvir ein hóp eitt ávíst ár (í eini ávísari kapping) finnur tú t.d. við at fara undir eina kapping og klikka á okkurt á liðunum í støðuni ella undir dystaryvirlitinum. Um tú t.d. leitar eftir TB undir Effodeildin 2016, so klikkar tú á TB, og so fært tú hópin, sum var brúktur hetta árið. Og fert tú so undir Løgmanssteypið 2016 og velur TB, so fært tú hópin hetta árið, sum bleiv brúktur til steypadystirnar, tvs. teir leikarar, sum stóðu á dómaraseðlunum í hesi kappingini.

Her er eitt lítið dømi um nýggja yvirlitið, TB Effodeildin 2016:

TB Hópurin í Effodeildini 2016


 

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017