Español English Føroyskt

176 landsdystir afturat á FS

fríggjadagur 26. august 2016
FaroeSoccer hevur júst lagt landsdystirnar hjá U17 monnum út. Við hesum eru allir teir almennu landsdystirnir hjá Føroyum á mannfólkasíðuni lagdir út - og kvinnulandsdystirnir eru um hornið.

Tað gongur rætta vegin við at fáa allar teir almennu føroysku landsdystirnar á netið, og nú vit loksins fingu allar U17-dystirnar hjá monnunum út, eru allir landsdystirnir á mannfólkasíðuni til skjals á FaroeSoccer - skjótt og lætt, og tað er eingin fegnari um enn júst vit, tí tað hevur verið eitt mál hjá okkum leingi nú.

U17-landsliðið er tað føroyska landsliðið, sum gjøgnumgangandi spælir flest landsdystir. Síðani 2013 hava teir leikað 10 dystir um árið: 3 EM-dystir, 4 NM-dystir og 3 Menningardystir. Hetta er ein hugalig og mennandi gongd.

Til stuttleika kann nevnast, at U17 hevur leikað 176 almennar landsdystir, meðan A-landsliðið “bert” hevur leikað 170 higartil. Landsdystirnir hjá U17 eru at finna á høvuðsvalmyndini undir LANDSDYSTIR > Menn U17.

Nú eru so allir teir almennu landsdystirnir á kvinnusíðuni eftir, og her er stak hugaligt at kunna boðað frá, at vit vænta at síggja allar hesar á FaroeSoccer fyrsta dagin. Tað snýr seg um landsdystir hjá A-liðnum, U19, U17 og U15, sum spældu fyrstu dystir sínar í ár.

Vit spæla saman!

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017