Español English Føroyskt

Tvey yvirlit munandi betrað

sunnudagur 24. juli 2016
FaroeSoccer er vorðið (enn) brúkaravinarligari. Tvey yvirlit um Hópin og Mál eru betrað og siga nú søguna um hagtølini skjótari og greiðari. Vónandi fara fleiri at koma sohvørt.

FaroeSoccer mennist kanska ikki so skjótt, sum vit mangan kundu ynskt okkum, men tess vælkomnari eru allar broytingar ella tillagingar til tað betra.

Tvær slíkar eru júst framdar seinastu dagarnar.

Í eina førinum er mályvirlitið í persónligu hagtølunum hjá leikarunum broytt (undir vangamyndini), so tað nú eisini vísir í hvørjari kapping einstøku málini eru skotin.

Eitt dømi er her:

Vangamynd - Jónhard Frederiksberg


Hin broytingin er gjørd í yvirlitinum "Hópurin". Tað skal undirstrikast, at her er talan bert um hóparnir í Effodeildini og 1. deild kvinnum, og í fyrsta umfari bara aftur til 2000. 

Eitt dømi er her:

B68 Effodeildin hópurin 2016 

Her eru summir leikarar merktir við feitum. tað merkir, at hesir spæla á fyrsta sinni í bestu deildini í Føroyum.

Ein hóp (í eini ávísari kapping) finnur tú við at klikka á eitt lið í t.d. støðuni.

Nú kann t.d. vera áhugavert at samanlíkna feløg í ár - ella yvir ár - hvussu nógvir nýggir (oftast ungir) leikarar sleppa framat besta liðnum í ymsu feløgunum. Nú er í hvussu so er eitt sindur truplari at "pella" seg til fakta.

 

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017