FaroeSoccer aftur í 60-ini

Myrka vetrartíðin við ongum fótbólti herheima má sjálvsagt brúkast til okkurt (meðan vit fyrireika okkum upp á nýggja kappingarárið), og vit á FaroeSoccer fjasa ikki tíðina burtur. Síðani seinast hava vit innlisið tøku dómaraseðlarnar niður gjøgnum 70-ini, og nú eru vit komnir á mál við 60-unum eisini. – Nú hómast landskappingarbyrjanin í 1942 so smátt!

Tað eru tó nógvir dómaraseðlar, sum mangla hetta tíðarskeiðið niður til 1960 – og í fleiri førum heilir árgangir. Hetta er upplýst hvørt árið sær undir Støðan í Effodeildini. Síðuleypandi við at restin av dómaraseðlunum, sum eru til frá tíðarskeiðnum 1942-1959, skulu innlesast, so skulu eisini aðrar keldur troytast, eitt nú bløðini, gerðabøkur og Landsskjalasavnið, tí gomlu dómaraseðlarnir upplýsa so lítið.

Men FaroeSoccer ætlar eisini at gera nakrar rannsóknarferðir kring landið í ár at vitja og tosa við eldri viðkomandi (felags)fólk. Tað hevur týdning at upplýsa um síðu okkara, so fólk vita, at tað ber til og hvussu tað ber til at kekka ymiskt á síðuni og sostatt vera við til, at skrásetingin gerst so fullfíggjað sum tilber.

Vit royna ikki at billa okkum inn, at vit fara at klára at fylla øll tey mongu holini frá eldru tíðini, men alt ger mun, og hetta man vera absolutt seinasta útkall. Tað hevur eisini týdning at vita, hvat ikki er til, og hvørjar keldur eru troyttar í so máta.

Í sambandi við elekronisku skrásetingina av gomlu dómaraseðlunum, so upplýsir FaroeSoccer eisini upprunaliga dómaraseðilin sum eina pdf-fílu, í teimum førum upprunaligi dómaraseðilin er til. Her á myndini niðanfyri – markerað við reyðum – sæst, hvar hesir áhugaverdu gomlu seðlarnir eru at finna.




Tað ber eisini til at gera viðmerkingar til hvønn dómaraseðil á síðuni ella til hesa greinina her niðanfyri.

http://epaper2.infomedia.dk/wxt/19041215?s=1&p=4