Español English Føroyskt

So var B71 aftur í 1. deild

fríggjadagur 3. oktober 2014
2. deild menn: Sandoyingar vunnu dystin á skrivaraborðinum og eru aftur í 1. deild. Einasti spenningurin í 2. deild nú er, hvør fer við FC Suðuroy niður í 3. deild. Royn hevur vunnið 3. deild.

Kærustríðið er av, og tað komu MB og B71 best frá, um man kann siga tað soleiðis. Úrskurðirnir gjørdu, at MB og B71 fingu hvør síni trý stig afturat, og hetta merkir, at MB vinnur 2. deild og at B71 fylgir teimum upp í 1. deild. Dysturin á Sandi í morgin millum hesi bæði liðini verður tískil ikki meira enn ein “moralsk finala”.

Meðan kærumálini hjá MB og B71 vóru nokkso uppløgd, so var kæran hjá Giza/Hoyvík, sum teir taptu, av eitt sindur meira prinsippiellum slag. Teir í Giza/Hoyvík eru sum skilst sera ónøgdir við dómin hjá Aganevndini, og spurningurin er, um teir fara víðari við málinum.

B68 fekk heldur ikki viðhald í síni kæru móti FC Suðuroy, og tað merkir, at toftamenn framvegis eru partur av niðurflytingarstríðnum. Støðutalvan í 2. deild sigur, at FC Suðuroy er flutt niður, meðan  Undrið, B68 ella Víkingur rúka niður í 3. deild saman við suðringunum.

Úrskurðirnir hjá Aganevndini eru ikki lagdir út á heimasíðuna hjá FSF enn, men tá tað verður, so er tað undir FSF > Kæruúrskurðir 2014.

Hetta eru dystirnir í seinasta umfari í 2. deild, sum verður leikað kl. 13:00 í morgin:

B68 II - Giza/Hoyvík
TB II - ÍF II
B36 III - Undrið
B71 - MB
Víkingur III - FC Suðuroy II

Royn verður nýtt lið í 2. deild komandi ár, tí teir hava vunnið 3. deild. KÍ liggur til hitt uppflyingarplássið sum er, men tað verður 1. deildardysturin í morgin millum KÍ og HB í Klaksvík, sum ger av, um teir triðbestu hjá KÍ sleppa upp. KÍ skal vinna 1. deildardystin móti HB, alt annað merkir, at KÍ flytur niður í 2. deild, og hetta hevur so aftur við sær, at 3. deildarliðið hjá klaksvíkingum  ikki sleppur upp í 2. deild. Hetta kann 07 Vestur, sum liggur á 3. plássinum í 3. deild, gera sær dælt av.

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019