Español English Føroyskt

MB er aftur í 1. deild

sunnudagur 14. september 2014
2. deild menn : hóast bara 15 av teimum 18 umførunum í 2. deild eru farin, so er greitt, at MB verður annað liðið, sum flytir upp. B71 og Giza/Hoyvík stríðast um hitt uppflytingarplássið.

Miðvingar hava havt eitt sera gott kappingarár higartil, hóast kanska ikki so nógv var væntað av teimum í ár. Teir eru í løtuni greitt oddalið, og hava bara tapt ein av teimum 15 dystunum higartil. Hóast teir ikki fingu hol á heima í Miðvági móti Undrinum leygardagin, so tryggjaði hesin 0-0 javnleikurin teimum uppflyting, hetta tí Giza/Hoyvík kloddaði í tí í Gundadali, tá teir taptu 2-1 fyri teimum triðbestu Víkingunum.

Hetta tapið hjá Giza/Hoyvík, sum annars hevur ligið væl í kappingini um uppflyting í ár, gjørdi, at B71 yvirtók 2. plássið, og leikskráin, sum er eftir, tykist vera eitt vet vinarligari við sandoyingar enn havnarmenn. Men enn eru altso trý umfør eftir!

Hetta er onnur uppflytingin hjá MB trý tey seinastu árini við Súna Fríða Barbá sum venjara. MB sum felag var seinast í 1. deild í 2009 og áðrenn tað ikki síðani 1993. Men teir hava onkutíð verið partur av FS Vágar síðani tá. Uppflytingin fer uttan iva at seta stór krøv til MB sum felag, men fyribils gratulerar FaroeSoccer MB við uppflytingini.

Í botninum í 2. deild er einki  avgjørt enn, hóast FC Suðuroy liggur eitt vet tyngri í sjónum enn hini liðini. Her kann heilt nógv henda enn.

Í løtuni er sera trupult at siga, hvussu gongst í 3. deild, og hvør kann hugsast at flyta upp. Tað tykist ikki, sum heimasíðan hjá FSF er dagførd í sambandi við 3. deild. Onkrar røddir vilja vera við, at Royn skal liggja væl fyrii 3. deild, men hetta torir FaroeSoccer ikki at skriva undir upp á. Vit venda aftur til hetta, tá vit vita meira.

comments powered by Disqus
Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018