Leikaramyndir søkjast

Tað er einki at taka seg aftur í, at fólk elska myndir. Hetta vita vit á FaroeSoccer - tað gera vit eisini! :-) Tað er NÓGV áhugaverdari at kekka profilar, tá ein mynd er við, og tí hevur FaroeSoccer eisini frá fyrsta degi lagt seg eftir at útvega myndir til allar profilar á síðuni – ikki minst av teimum, sum eru aktiv í dag. Myndir av leikarum, venjarum og dómarum fáa okkara síðu at skilja seg burturúr – fyri ikki at siga skara framúr! :-)

Meeeeen einki kemur av sær sjálvum – heldur ikki myndir. FaroeSoccer roynir eftir førimuni, men hevur tíverri avmarkaða tíð og umstøður at koma runt kring landið, og tí fara vit – enn einaferð – inniliga at heita á feløg og einstaklingar um at taka og senda okkum myndir. Í dag eigur annarhvør eitt digitalkamera (ofta sum fartelefon), og munnu tey flestu ungu í dag ikki eiga óteljandi myndir av sær sjálvum á telduni heima, á netinum ella í fartelefonini?

Tað man uttan iva vera lættast at taka andlitsmyndir í sambandi við dystir, tvs. nakað áðrenn dysturin byrjar. So eru leikararnir í rætta búnanum eisini. Men heilt yvirorðnað hevur búnin ongan týdning, FaroeSoccer vil bara hava eina góða bringu/andlitsmynd, so man sær, hvussu leikarin sær út.

Eru tit í iva um, hvussu myndirnar skulu takast, so er ein góð vegleiðing at finna á FaroeSoccer. Vel YMISKT á valmyndini í erva, síðani MYNDIR og MYNDATØKA.

Fyri FaroeSoccer hava ØLL andlit somu raðfesting og sama áhuga – eisini venjarar og dómarar. Í fyrstu atløgu hava allir profilar við ONGARI mynd størst áhuga, men nýggjar(i) "dagførdar" myndir av øllum hinum koma sjálvsagt eisini væl við.

Manglandi myndir av eldri og givnum leikarum og øðrum, sum eru skrásett á FaroeSoccer – og tey eru nógv – hava eisini stóran áhuga. Svart-hvítt ger einki, bara myndirnar eru rímuliga skarpar og nøkulunda frá aktivu tíðini. Upplýsið altíð eitt nøkulunda árstal fyri myndatøkuni um møguligt.

Liðmyndir eru sum regul ikki nóg góðar at klippa andlit burturúr, men FaroeSoccer hevur áhuga fyri øllum liðmyndum allíkavæl at skráseta í dátugrunninum, so sendið endiliga allíkavæl.

Sendið allar myndir so stórar og óviðgjørdar sum møguligt. FaroeSoccer orðnar restina.

Bara spyr um nakað ivamál er. FaroeSoccer takkar fyri alla góða hjálp. Vit spæla saman!