EBS/Skála er nummar eitt

1. DEILD KVINNUR - 5. UMFAR

AB og HB leiktu á Argjum, og her var HB stórfavorittur. Gestirnir manglaðu eins og seinasta dyst Doris í Garði Olafsdóttir og Onnu Brimnes, sum leiktu við júst AB í fjør. Tað er ikki nógv at siga um dystin, sum til tíðir var sera ávirkaður av skiftandi veðrinum. Merkisvert er tó, at fyrstu ferð Nina Davidsen í HB-málinum nart bóltin, var fimm minuttir fyri hálvleikssteðgin, og fyrstu ferð, hon slapp at skjóta, málspark var í seinna hálvleiki. Sigast kann, at gestirnir vóru dominerandi, og heldur óvæntað bara høvdu skorað tvey mál í fyrra hálvleiki, har AB verjan stóð sum ein múrur við Simonu Heinesen sum aftasta skansa. Málið hjá AB, sum Hellen Simonsen skoraði, varð skotið uppá beinleiðis fríspark. Eitt flott eitt av slagnum.

EBS/Skála tók móti Víkingi, sum seinasta dyst mátti brúka leikandi venjaran Ingun Hansen í málinum, eftir at Nina Davidsen skifti til HB. Hesaferð var tað 15 ára gamla Malena Hansen, sum vardi málið fyri Víking. Samstundis var hetta fyrsti dystur hjá 2. hjálpardómara, Ottar í Funningsstovu (AB), í FSF-høpi.

Dysturin millum KÍ og B68/NSÍ bleiv ikki til nakað, tí sum skilst m.a. á heimasíðuni hjá B68, so hevur samanlagda liðið tikið seg úr kappingini við vón um at sleppa at leika í næstbestu deildini.

ÍF tók móti B36 í Fuglafirði, og her vann B36. Eftir at B68/NSÍ tók liðið úr kappingini, hava tveir leikarar, Mirjam Davidsen og Durita Nielsen, valt at skift til ÍF, og tað ljóðar, at Dania Olsen eisini er ávegis til ÍF frá B68/NSÍ. Viðvíkjandi dómarunum so má hendan trioin metast at vera tann yngsta í landinum. Dómarin og 2. hjálpardómarin, ávikavist Rógvi J. Magnussen og Emil Sørensen, eru 16 ár, meðan 1. hjálpardómarin, Eyðun Hansen, einans er 15 ár. Teir døma allir fyri EB/Streym.

Niðanfyri sæst komandi umfar og útsetti dysturin frá fjórða umfari millum B36 og AB: