Español English Føroyskt

Evropa nær - heimurin fjar

hósdagur 4. apríl 2013
KVINNUR - KÍ og metini: Tað er ongin loyna, at KÍ-kvinnurnar hava verið einaráðandi seinastu mongu árini og hava sligið fleiri met. FaroeSoccer hyggur nú nærri at teirra metum.

Vælkomin til FaroeSoccer á facebook




Tá KÍ í 1997 bleiv føroyameistari á fyrsta sinni, ráddi liðið yvir nógvum ungum leikarum, sum nú, 16 ár seinni, enn eru at finna á liðnum. Nevnast kunnu leikarar sum Bára S. Klakstein, Malena Josephsen,  Paula Mikkelsen, Ragna B. Patawary og Rannvá B. Andreasen.  M.a. kann nevnast at Rannvá, sum 16 ára gomul, skeyt 51 mál í 23 dystum, 28 av teimum málunum og 14 av dystunum vóru í landskappingini.

Trý ár seinni, í 2000, byrjaði KÍ sína longu sigursrøð, sum hevur vart seinastu 13 árini. Longu í 2005 settu KÍ-kvinnurnar nýtt føroyskt met, tí tá slógu tær metið hjá legendariska 66-liðnum hjá KÍ, sum hevði vunnið meistaraheitið 5 ferðir á rað frá 1966 til 1970. Í 2012 løgdu tær seg ájavnt við mennirnar hjá norska Rosenborg, sum hevur megnað at vunnið meistaraheitið 13 ferðir á rað frá 1992 til 2004.

Málið hjá KÍ-kvinnum er at strúka avstað við evropeiska metinum, sum mennirnir hjá Skonto Riga eiga. Skonto Riga vann heimligu kappingina frá 1991 til og við 2004, sum er 14 í tali. Um KÍ-kvinnurnar ætla at seta heimsmet, mugu tær dríva á við somu megi í minst 2-3 ár afturat. Og munnu tær ikki ætla tað? 

Heimsmetið fyri flest meistaraheiti á rað, eigur - haldið tykkum fast - Tafea FC, sum liggur í Port Vila, sum er høvuðsstaður í oyggjalandinum, Vanuatu. Frá 1994 til og við 2009, vunnu menninir hjá Tafea FC meistaraheitið 15 ferðir á rað. Vanuatu liggur í ein landnyrðing úr Australia, har búgva umleið 250.000 fólk. Hóast høga íbúgvaratalið eru tað einans 8 lið í bestu deildini, eins og í landskappingi hjá kvinnum í Føroyum, og bara ein deild.

Liðið, sum hevur vunnið flest meistaraheitir í heiminum, er mansliðið hjá Glasgow Rangers, sum hevur vunnið heili 54 ferðir, tó ikki á rað.

Av teimum nevndu leikarunum hjá KÍ eru tað bara Malena og Rannvá, sum hava leikt øll sigursárini. Bára var ikki við í 2009, Ragna ikki í 2011 og Paula ikki í 2012.

Malena Josephsen   Ranvá B. Andreasen
Malena og Rannvá - fara hesir báðir úrmælingarnir í føroyskum fótbólti at seta heimsmet saman við hinum KÍ-kvinnunum? 

 

Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2018