Español English Føroyskt

EB/Streymur vann fyrsta steypið

mánadagur 4. mars 2013
STÓRSTEYPADYSTUR: Føroyameistararnir vunnu á steypavinnarunum, tá stórsteypadysturin varð leiktur á ovara vølli í Gundadali í gjár. Niels Pauli Danielsen skoraði einasta málið í dystinum.

Vælkomin til FaroeSoccer á facebook




Eins og í flestu øðrum londum, byrjar eisini føroyska kappingarárið í fótbólti við dysti millum meistararnar og steypavinnararnar.

Hesin dysturin varð leiktur í gjár, tá føroyameistararnir úr EB/Streymi og steypavinnararnir úr Víkingi kappaðust um fyrsta steypið í hesum kappingarárinum.

Leikligi vansin við stórsteypadystinum kann vera, at hann verður leiktur áðrenn landskappingin er byrjað, og tí eru leikararnir leikliga kanska ikki heilt so væl fyri. Leikliga var dysturin í Gundadali tó ein av teimum frægu, tí bæði liðini royndu at spæla seg ígjøgnum verjuna hjá hvørjum øðrum.

Fyrstu løtuna vóru tað meistararnir, sum vóru omaná, men so tók Víkingur yvir, og næstu løtuna vóru tað teir, sum trýstu og høvdu nakrar næskar royndir, sum René Tórgarð tó fekk vart væl fyri.

Móti endanum av fyrra hálvleiki fekk EB/Streymur tó aftur fatur á rætta endanum, og tveir minuttir áðrenn steðgin bragdaði. Ein bóltur var sendur inn í brotsteigin, og umvegis ein leikara hjá EB/Streymi var bólturin lagdur fyri føturnar á Niels Paula Danielsen, sum staddur á sjálvum brotsteigarmarkinum smekkaði bóltin flatt í kassan.

Sjálvt um Víkingur hevði verið næskari, var tað tó ikki heilt óuppiborið, at EB/Streymur legði seg á odda, tí meistararnir høvdu eisini verið væl við í dystinum.

Einki mál kom afturat í seinna hálvleiki, og tí endaði alt við, at EB/Streymur - annað árið á rað - vann stórsteypadystin.

Stórsteypadysturin hevur verið á skránni í nøkur ár nú. Tað er Lions Club, sum letur steyp og saman við FSF skipar fyri dystinum, og peningurin, sum kemur inn verður latin til vælgerandi endamál.

Stórsteypadysturin 2013 
Nýggi liðskiparin hjá EB/Streymi, Hans Pauli Samuelsen, tekur ímóti Stórsteypinum frá Lions. Mynd: KVF.

 

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til kappingarnar, sum FaroeSoccer skrásetur:

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.

Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2017