Español English Føroyskt

Friðarligur aðalfundur hjá FSF

leygardagur 23. februar 2013
Tann 34. aðalfundurin í røðini hjá Fótbóltssambandinum var stak friðarligur og skjótt avgreiddur. FSF-forsetin, Christian Andreasen, bar FaroeSoccer nøkur góð orð í formansfrágreiðingini.

Vælkomin til FaroeSoccer á facebook

 

 

FaroeSoccer var á aðalfundinum hjá Fótbóltssambandinum í dag. Staðfestast kann, at felagsskapurin FSF hevur tað gott í dag, og einki "roks" var um nakað sum helst á fundinum, sum gleið skjótt og væl. Ársrokniskapurin vísti yvirskot 3. árið á rað, og forseti og nevndarlimir vórðu aftirvaldir, so klárt er, at feløgini eru nøgd við avrikið hjá FSF. Tað vóru eisini fleiri formenn í feløgunum, sum beinleiðis róstu FSF.


Her á síðuni fara vit tó bara at nema við tað, sum vit halda er serliga viðkomandi fyri samstarv okkara við FSF, og tað vóru hesin bæði brotini í formansfrágreiðingini:

FMS skipan (Football management System)
Fótbóltssamband Føroya hevur seinastu árini við jøvnum millumbili umhugsað keyp av nýggjari telduskipan til fótbóltsvirksemi - sonevnda FMS skipan.

FMS skipani eru grundaðar á dátugrunn, har upplýsingar um kappingar, leikarar, dómarar v.m. verða goymdar. FMS skipanin eigur at vera høvuðstólið hjá fólki, ið umsita fótbóltsmál. Feløg skulu kunna skráseta sínar limir og fremja leikaraskifti, meðan dómarar innlesa dystargongdina í elektroniska dómaraseðilin.

Samalaði dátugrunnurin skal so vera grundarlagið undir einari dynamiskari heimasíðu, umframt at hann er eitt sterkt tól at finna fram hagtøl v.m.

Verandi skipan, sum er forritað av Formula, er frá 2002.

Henda skipanin hevur ikki veruliga nøktað tørvin hjá FSF í nøkur ár, og tí hevur keyp av nýggjari skipan verið ovarliga á ynskilistanum hjá umsitingini í langa tíð. Ein fullkomin fótbóltsskipan er tó ein sera stór íløga, og er hetta meginorsøkin til, at nýggja skipanin ikki er keypt fyri fleiri árum síðani.

Fleiri av smærru limalondunum í UEFA eru í somu støðu sum Føroyar, og tí hevur UEFA skipað eina verkætlan at samskipa keyp av FMS skipanum til hesi limalondini. Fyri at kenna rætta tørvin, vóru UEFA umboð á vitjan hjá øllum áhugaðum limalondum á sumri 2012. UEFA hevur síðani havt samskifti við fleiri møguleigar veitarar av FMS skianum fyri at finna fram til tað best egnaðu.

UEFA skipaði 18. oktober 2012 fyri evnisdagi um FMS skipanir, har møguligir kundar og veitarar kundu møtast til styttri framløgur.FSF hevur síðani samskift við veitararnar, og er endalig avtala nú gjørd við ensku fyritøkuna First Sport International (FSI). Skipanin fer at verða tikin stigvíst í nýtslu í 2013.

FaroeSoccer
Heimasíðan FaroeSoccer hevur verið ein týðandi viðleikari í føroyskum fótbólti seinastu árini. Við hesum kunnu fjølmiðlar og onnur gera brúk av stóra arbeiðinum, ið Marni Mortensen, vegna FaroeSoccer, fremur. Soleiðis verður eisini í 2013, tí avtala er gjørd um framhaldandi samstarv.

Tá nýggja FMS skipanin verður liðug, verður samstarvið við FaroeSoccer endurskoðað. 

----

FSF aðalfundurin 2013
Aðalfundurin var hildin í FSF-húsinum, har góðar umstøður eru. Mynd: FaroeSoccer.

Hetta við FMS skipan halda vit er serstakliga spennandi og sanniliga upp á tíðina. Enn er óvist, hvussu hetta kemur at ávirka samstarv okkara við FSF, men sum FSF-forsetin sjálvur nevndi, so verður samstarvið við FaroeSoccer endurskoðað, tá nýggja FMS skipanin er klár. FaroeSoccer ynskir FSF góða eydnu við hesi stóru og umfatandi ætlanini, og samstundis vóna vit at vera við í tilgongdini onkursvegna og eru altíð fúsir at samstarva.

  

Sendið okkum dómaraseðlarnar
Til feløg og dómarar
Minnist til at senda okkum dómaraseðilin beint eftir loknan dyst í hesum kappingum:
Effodeildin, 1. deild menn, 2. deild menn, U18 dreingir, 1. deild kvinnur og Steypakappingarnar M/K.
Seðlarnir skulu sendast til faks 320516 ella tpost fotboltshagtol@gmail.com. Er nakar trupulleiki ella okkurt at spyrja um, so ringið 320515/520515.
Samstarvsfelagar
2010-2014