KÍarar og HBarar hjá fotografi
mikudagur 1. juni 2016
Nú ein dagin fekk FaroeSoccer sendandi nýggjar andlitsmyndir av Effoliðnum hjá KÍ og kvinnuliðnum hjá HB. Feløgini hava sum heild verið raskari at taka myndir í ár enn onnur ár.
Tað er ikki bara sum at siga tað at gera avtalur við lið um myndatøku – serstakliga ikki kvinnuliðini! Men í ár er tíbetur bragdað í fleiri feløgum, og nú ein dagin komu nýggjar myndir av HB-kvinnunum. Tað er “felagsfotografurin” Rakul Hansen, sum hevur tikið.
Í KÍ er tað sum oftast Eybjørn Jacobsen, sum tekur, og tað borgar vanliga fyri kvaliteti.
Feløgini og fotografarnir hava loyvt FaroeSoccer at brúka myndirnar til leikaravangarnar, og tað fegnast vit um og takka stórliga fyri.
Myndirnar síggjast her:
KÍ Effodeildin
HB 1. deild kvinnur
FaroeSoccer vónar framvegis, at feløg sum Víkingur, NSÍ, AB, Skála og TB fara at taka sær um reiggj skjótt og taka nakrar góðar andlitsmyndir av sínum fremstu leikarum og deila hesar við FaroeSoccer og restini av heiminum :-)
Undirstrikast skal tó við feitum, at FaroeSoccer hevur áhuga fyri ØLLUM andlitsmyndum, um leikarin, venjarin ella dómarin er skrásettur fyri ein dyst á FaroeSoccer – í nýggjari sum í eldri tíð. Bara spyr um tú ivast.
