Nýggir venjarar frálíka byrjan

Regin Siver tsen

Vodafonedeildin, úrslit 11. umfar
KÍ – 07 Vestur 1-2
HB – B68 3-3
ÍF – B36 1-1
NSÍ – EB/Streymur 2-2
Víkingur – B71 3-2

Støðan og fleiri hagtøl frá dystunum síggjast her. 

Við sigri ímóti vágamonnum kundi KÍ veruliga leggja sjógv niður til niðurflytingarplássini. Men við nýggjum venjara á bonkinum fór 07 Vestur við einum flottum 2-1 sigri úr aftur Klaksvík. 07 Vestur hevur havt gott tamarhald á klaksvíkingunum í ár, og við sigrinum leygardagin hevur 07 Vestur vunnið tveir og leikt javnt tann eina.

Ein sonn málveitsla var í Gundadali, har HB tók ímóti B68. Liðini liggja lið um lið í stigatalvuni, og tey samdust eisini um ein javnleik. Merkisvert var, at B68-miðvallarin, Eli Simonsen fekk sítt fyrsta mál í Vodafonedeildini, hetta var hansara dystur nummar 64.

Eftir at Ábraham Løkin segði seg úr starvi, skuldu Símun Eliasen og Rúni Nolsøe standa sína fyrstu roynd sum ÍF-venjarar. Undan hesum dystinum var B36 tað einasta liðið, sum enn ikki hevði roynt at tapt, og tað høvdu teir heldur ikki, tá dysturin í Fuglafirði var av. Trupla uppgávan hjá ÍF endaði við einum javnleiki, har Bartal Eliasen javnaði langt inn í yvirtíðina.

NSÍ og EB/Streymur hittust við Løkin á Eystanstevnu. NSÍ og EB/Streymur hanga enn í oddinum, og eru beint í hølunum á B36 og Víkingi. Hetta var ein rættuliga javnur dystur, sum kundi farið báðar vegir, so 2-2 var ikki heilt av leið, og so leingi sum B36 ikki vann, so gjørdist hesin javnleikurin ikki nøkur katastrofa.

Víkingur møtti einum tendraðum B71-liðið í Sarpugerði, men tað var ikki nokk. Víkingur kom á odda 3-0, men sandoyingar kempaðu seg inn í dystin aftur við tveimum málum, men Víkingur hevði tó tamarhald á støðuni fyri tað allarmesta. Eitt frálíkt úrslit fyri Víking, eftirsum at B36, NSÍ og EB/Streymur øll settu stig til.

Komandi umfar 18-19. juni.
B71 - ÍF
EB/Streymur - HB
07 Vestur - NSÍ
B68 - Víkingur
B36 - KÍ