Toppdysturin sum hvarv

mikudagur 1. juni 2011
Vodafonedeildin 10. umfar: Tað gongur framhaldandi sum eftir ánni hjá B36, klaksvíkingar halda fast, ÍF mist venjaran, og veteranar hjálptu meistarunum á beint aftur á Sandi.

Vælkomin til FaroeSoccer á facebook

Regin Siversten

Vodafonedeildin, 10. umfar
KÍ - ÍF  2-0
B71 - HB  0-2
07 Vestur - EB/Streymur  1-7
B36 - Víkingur  2-0
B68 - NSÍ  1-1 

Støðan og fleiri hagtøl frá dystunum síggjast her. 

B36 vann trupla oddadystin ímóti Víkingi 2-0. B36 hevur fingið fimm brotsspørk í tíggju dystum, og hevur skorað upp á tey øll. Men móti Víkingi má sigast, at dómarin, Eiler Rasmussen, fór klárt skeivur, tá hann dømdi brotsspark til John Hansen. B36 útnyttaðu tó støðuna, og alt endaði við einum sera tryggum heimasigri, sum ger at B36 økir frástøðuna til hini liðini.

Klaksvíkingar kunnu vera væl nøgdir við gongdina higartil í kappingini, 16 stig eftir 10 dystir er uttan iva góðtikið fyri ein uppflytara. Fríggjadagin tók KÍ ímóti kreppurakta ÍF. Dysturin leikaði javnt á, men tá ið núverandi toppskjúttin í Vodafonedeildini, Kristoffur Jakobsen, megnaði at skora tvey mál enn einaferð, brast ballónin hjá fuglfirðingum. Eftir dystin kom fram, at Ábraham Løkin longu hevði sagt seg úr starvið. Ein ólukka kemur sjáldan einsamøll.

HB hevði veruliga brúk fyri einum sigri, tá ið teir møttu B71 á Sandi. HB-legendan, Hans á Lag, er komin aftur á HB liðið, og hetta tyktist at geva liðnum ein vilja, sum hevur manglað í nógvum dystum. B71 tykist hálvegna longu at vera flutt niður. Leysasøgur vilja tó vera við, at tríggir leikarar koma í summar at styrkja um liðið. Spurningurin er um tað er nokk – og tíðs nokk.

07 Vestur legði rygg til eitt rættuligt stórtap, tá ið sundalagsmenn vitjaðu. Tað var serliga ein vælupplagdur Daniel Udsen, sum gjørdi um seg og skoraði ikki færri enn fýra mál. Komandi umfar hevur 07 Vestur ein truplan útidyst ímóti KÍ, har teir helst mugu fáa stig, um teir ætla sær at yvirliva í deildini.

Í nógva vindinum á Svangaskarði møttust B68 og NSÍ. Dysturin endaði við javnleiki, eftir at Christian Høgni Jacobsen og Stig-Roar Søbstad fingu hvør sítt mál. Toftamenn vóru heldur betri nøgdir enn runavíkingar. Við javnleikinum blivu bæði liðini yvirhálaði á stigatalvuni, eftir at EB/Streymur fór framum NSÍ, meðan HB fór framum B68.

Komandi dystir 11. juni
Víkingur - B71
KÍ - 07 Vestur
HB - B68
ÍF - B36
NSÍ - EB/Streymur

   

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Betri Deildin M/K, 1. deild menn, 2. deild menn, U21 menn, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til [email protected].