Regin Sivertsen
1. deild menn, 3. umfar
FC Hoyvík - Víkingur 2-2
AB - FC Suðuroy 2-3
TB - 07 Vestur 5-0
HB - NSÍ 1-6
EB/Streymur - Skála 3-2
4. umfar
HB - AB 1-0
NSÍ - Víkingur 3-0
Skála - TB 1-1
FC Suðuroy - EB/Streymur 5-3
07 Vestur - FC Hoyvík 1-2
Støðan og fleiri hagtøl frá dystunum síggjast her.
Víkingur hevur fingið síni fyrstu mál hetta kappingarárið, bæði málini sum Víkingur hevur skorað í ár komu í triðja umfari í javnleikinum móti FC Hoyvík. Um liðið úr Gøtu/Leirvík ætlar sær at liggja omanfyri niðurflytingarstrikuna, mugu munandi fleiri mál til.
07 Vestur hevur enn síni fyrstu stig til góðar eftir at hava tapt ímóti TB og FC Hoyvík. Hetta var annars fyrsti sigur hjá hálvgun kreppuraktu hoyvíkingunum.
Skála fekk eisini sítt fyrsta stig í seinasta umfarinum í einum kortríkum dysti ímóti TB. Við hesum javnleikinum misti TB oddasessin, sum hitt suðuroyarliðið í 1. deild, FC Suðuroy, nú tekur sær av. FC Suðuroy hevur sum einasta liðið fult stigatal eftir fýra dystir.
AB fekk eina góða byrjan uppá kappingarárið, men eftir hesi bæði umførini við ósigrum ímóti FC Suðuroy og HB standa argjamenn framvegis á seks stigum.
NSÍ og EB/Streymur elta toppliðini úr Suðuroynni. Tey næstbestu hjá NSÍ og EB/Streymir hava níggju stig eftir fýra dystir. Júst hesi bæði liðini hittast komandi umfar.
Komandi umfar 7. mai
TB - AB
Víkingur - FC Suðuroy
EB/Streymur - NSÍ
FC Hoyvík - HB
07 Vestur - Skála