Bylgju Cup

mánadagur 16. desember 2013
Árliga innandurakappingin í Klaksvík, sum Bláa Bylgjan skipar fyri, verður millum jóla og nýggjár sum vanligt undanfarnu 5 ár. Eins og vanligt er vónin at síggja nógv lið úr øllum Føroyum.

Tíðindaskriv frá Bláu Bylgju

Bláa Bylgju Cup

Í døgunum 28. til 30. desember skipar fjepparafelagið hjá KÍ, Bláa Bylgjan, fyri stórari innandurakapping í KÍ-høllini. Vit vænta, at undirtøkan verður. í 2012 vóru áleið 120 lið við umleið 500 leikarum, sum komu úr øllum lndinum.

Kappingin er fyri yngri deildir, vaksin og sjómenn.

Kappingin umfatar:
U8 dreingir pinkulingar 5-7 ár (f. 2006-09)
U 10 dreingir 8-9 ár (f. 2004-05)
U12 dreingir 10-11 ár (f. 2002-03)
U14 dreingir 12-13 ár (f. 2000-01)
U16 dreingir 14-15 ár (f. 1998-99)
U18 dreingir 16-18 ár (f. 1996-97)
Vaksin (í mesta lagi 2 leikarar úr Effodeildini og/ella 1. deild)
Sjómenn (mynstraðir umborð í 2013)

Eftir ætlan vera kappingarnar hjá U8 og up til og við U14 leiktar leygardagin 28. desember. U16, U18 og Sjómannakappingin verður sunnudagin 29. desember, meðan kappingin fyri vaksin verður seinnapartin mánadagin 30. desember.

Gentulið fáa møguleikan at spæla saman við dreingjunum, men í einum aldursbólki lægri.

Hvørt liðið telur 5 leikarar og í mesta lagi ein skiftisleikara, tó spæla U16, U18 og vaksin við 4 leikarum og hava í mesta lagi ein skiftisleikara.

Dómarar verða núverandi og fyrrverandi KÍ-leikarar í bestu deildini.

Nr. 1, 2 og 3 fáa heiðursmerki. Hjá teimum vaksnu fær vinnarin gávukort, meðan vinningar eisini eru til nr. 2 og nr. 3. Hjá sjómonnum eru steyp til vinnandi liðini.

Liðini skulu hava egin nøvn ella nevnast eftir fótbóltsfeløgum.

Tilmelding á tlf. 228660/261221 ella á [email protected]

Síðsta freist at melda til kappingarnar hjá teimum yngru og sjómonnum er hóskvøldið 26. desember kl. 19.00.

Kostnaðurin er 300 kr. fyri liðið hjá yngru deildunum. Hjá teimum vaksnu er kostnaðurin 400 kr. Hjá sjómonnum er kostnaðurin 1000 kr., har borðhald eftir kappingina er íroknað.


Vælkomin til Klaksvíkar!
Bláa Bylgja 

 

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Betri Deildin M/K, 1. deild menn, 2. deild menn, U21 menn, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til [email protected].