EFFODEILDIN - 19. UMFAR:
Úrslit |
|||||
19 |
10-08 |
||||
19 |
11-08 |
||||
19 |
11-08 |
||||
19 |
11-08 |
||||
19 |
11-08 |
HB fekk ein undir vangan frá Víkingi sunnudagin.
Felagsliðið úr Eystur kommunu hevur av sonnum fingið fótin fyri seg eftir venjaraskiftið, tí síðan tá hevur Víkingur lagt seg í tryggja fjarstøðu frá øllum sum eitur botnstríð.
Tá Sigfríður Clementsen tók við sum venjari, lá Víkingur í tyngra endanum, men nú nøkur fá umfør eru spæld, síðan kappingin byrjaði aftur eftir summarsteðgin, er Víkingur nummar fimm. Liðið hevur vunnið allar teir dystirnar, sum tað hevur spælt í seinnu hálvu, og eigur enn tá ein dyst á.
Men tað sigur eisini eitt sindur um, hvussu lítil munurin er millum liðini í deildini.
Hjá HB var kanska talan um eina spann av køldum vatni í rættari løtu. Liðið hevði tíggju stig at geva av, áðrenn hetta umfari, og tað kann lættliga gersta ein koddi, um leikarar og leiðarar fara ov lætt um uppgávuna. Men nú fingu teir ein lúsing á heimavølli, frá einum liðið, sum hevur ligið illa fyri í kappingini. Og ein lúsing, sum í grundini ikki kostaði nakað stórvegis, tí ÍF bara fekk javnleik móti KÍ leygardagin.
KÍ hevur hesi seinastu árini havt tað serstakliga tungt, tá liðið hevur spælt, tá stór tiltøk hava verið í Klaksvík, og soleiðis eisini í hesum umfarinum. KÍ var væl við, men mátti tvær ferðir stríðast fyri at javna. Tað gekk og tað helt til eitt stig, sum í mangar mátar er frægari enn tað hevur verið onkuntíð á Summar Festivalinum.
Í Vágum fekk B36 fótin fyri seg, tá liðið vann 4-1 móti 07 Vestri. Við tí bleiv 07 Vestur isolerað enn meira í botninum. B36 var á odda 3-0, áðrenn felagsliðið minkaði um munin, men tað var stokkutur hiti, tí B36 fekk enn eitt mál áðrenn liðugt var.
Við Margáir gjørdi EB/Streymur sína skyldu eftir at hava tapt í seinastuni. Hesaferð var TB á vitjan, og tað endaði við einum tryggjum 3-0 sigri til heimaliðið. Hetta úrslitið hevur við sær, at TB nú liggur rættiliga tungt í botninum. Bara frammanfyri 07 Vestur, sum er fimm stig aftan fyri TB, og níggju stig aftanfyri KÍ.
Seinasti dysturin var millum NSÍ og AB, sum hevur verið formsterkasta liðið seinastu nógvu vikurnar. Tann dysturin endaði javnur, og tað vil siga, at AB fekk stig fyri áttandu ferð á rað.
Næsta umfar í Effodeildini verður spælt um vikuskiftið, og teir dystirnir síggja soleiðis út:
20 |
18-08-2013 |
- |
|||
20 |
18-08-2013 |
- |
|||
20 |
18-08-2013 |
- |
|||
20 |
18-08-2013 |
- |
|||
20 |
18-08-2013 |
- |