U21-landsdystirnir nú á FaroeSoccer

leygardagur 4. juli 2015
FaroeSoccer ætlar framvegis, at allir føroyskir landsdystir – nýggir sum gamlir – skulu vera tøkir á netinum. Nú stóð so tað spennandi U21-landsliðið fyri tørni.

Allir teir almennu U21-landsdystirnir eru nú at finna á FaroeSoccer. Teir finnast á høvuðsvalmyndini undir Landsdystir og U21.

Tað gongur ikki altíð líka skjótt, sum vit kundu ynskt okkum. Men nú glapp altso við U21-landsdystunum, og tað fegnast vit um. Eins og við A-landsliðnum vísa vit eisini, hvørjir leikarar hava mannað U21-liðini síðani byrjanina, og hvussu nógvar dystir teir einstøku leikararnir hava umboðað Føroyar á U21-liðnum o.a.

FaroeSoccer frættir fegin, um nakað er at viðmerkja ella finnast at, takk fyri.

Nú vóna vit so, at restin av ymsu landsdystunum ikki er alt ov langt burturi...

Kunning um dagføring av dystum á FaroeSoccer
Til allar brúkarar okkara

Við tað, at FSF nú hevur sína egnu elektronisku skrásetingarskipan, eru eingir fysiskir dómaraseðlar longur til hesar kappingar, sum FaroeSoccer skrásetur:

Betri Deildin M/K, 1. deild menn, 2. deild menn, U21 menn, 1. deild kvinnur og Steypakappingarnar M/K.

FaroeSoccer kann tí ikki leggja fakta frá dystunum út, áðrenn feløgini og dómararnir hava skrásett hesi í skipanina hjá FSF. Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til [email protected].