Frá í dag av verður møguligt at gera viðmerkingar til allar nýggjar tíðindagreinar á FaroeSoccer beinleiðis undir greinunum, og greinirnar kunnu sjálvsagt eisini deilast á netinum.
Ætlanin er eisini, at tað skal vera møguligt at viðmerkja allar dystir ella dómaraseðlar. Fyri FaroeSoccer er hetta serstakliga áhugavert, tá tað kemur til møguligar feilskrásetingar ella manglar av onkrum slagi, kanska eitt gult kort ella eitt brent brotsspark ikki er komið við og líknandi. Her kunnu vit ordiliga spæla saman!
Møguleikin at viðmerkja spesifikkar dystir ella dómaraseðlar kann eisini vera av stórum týdningi fyri skrásetingina av eldri dystum serliga, tí her eru fakta ofta rættuliga avmarkað. FaroeSoccer vónar, at eldri leikarar og dómarar - og øll áhugaði annars - fara at kekka dystir aftur í tíðina og gera viðmerkingar. Hetta hevur sjálvsagt bæði siðsøguligan og skrásetingarligan týdning. ALT hevur áhuga, tað er ikki at halda seg aftur.
Vit vóna, at brúkarar okkara fara at taka væl ímóti hesum nýggja møguleikanum og brúka hann dúgliga.
Vit venda aftur, tá møguleikin at viðmerkja dómaraseðlar er tøkur, tað skuldi verið fyrsta dagin.
Skuldi onkur trupulleiki verið við at viðmerkja, so send okkum ein teldupost á fotboltshagtol@gmail.com og greið frá um trupulleikan.
Tað ber ikki til at gera anonymar viðmerkingar.