Nakað síðani varð eitt skiljiblað afturat lagt undir persónligu hagtølini – ella vangamyndina – nevnt “Landsdystir” (tað kemur bara fram um ein leikari HEVUR spælt onkran landsdyst). Hetta skiljiblaðið gav eitt skjótt og gott yvirlit yvir, hvat slag av landsdystum leikarin hevur luttikið í (verið inni), hvørji ár, og um hann hevur skorað og/ella fingið kort.
Dømi um leikara (vangamynd) við landsdystum. GG: NSI átti at tikið nýggjar andlitsmyndir :-)
Nýggja funkan, sum nú er løgd afturat, vísir júst hvørjar landsdystir leikarin hevur verið við í. Hetta gerst við at klikka á samlaða dystartalið. So kemur eitt nýtt yvirlit upp, og so er bara at velja hvønn dyst, man vil vita meira um við at klikka á úrslitið, so kemur man inn á dómaraseðilin.
Higartil eru bara A-landsdystirnir hjá monnunum og U21 og U19 menn á netinum, men allir hinir fara at koma – allarhelst í ár. Eldru landsdystirnir frá áðrenn FIFA/UEFA-limaskapin fara ætlandi eisini at koma uttan at tora at seta dato á.
Undir “Landsdystir” á høvuðsvalmyndini og síðani A, U21 ella U19 og “Allir leikarar” ber eisini til at síggja, hvørjir leikarar hava spælt landsdystir. Her hevði eisini verið ynskiligt, at til bar at síggja hvørjar dystir við at klikka á dystartalið. Hetta er longu ein av uppgávunum hjá dugnaliga forritaranum, sum bíðar...